Jarysqa Elite, U23 jáne U19 sanatyndaǵy sportshylar qatysty, olar standartty jáne sprınt qashyqtyqtarynda saıysqa tústi. Aqtaý jarys qatysýshylaryn daýylmen qarsy aldy, sol sebepti jarys belgilengen ýaqyttan 30 mınýtqa keshirek bastaldy.
Aýa temperatýrasy 19 °C, al sý 17.7 °C boldy.
Elite jáne U23 sanatyndaǵy erler jarysty birinshi bolyp bastady, biraq ony bári birdeı aıaqtaı almady.
«Elıtada» óner kórsetken Anaýra Turýbaeva (Almaty) júzý kezeńinde durys burylmaǵany úshin jarystan shettetildi. Nátıjesinde, jeńiske Aqmola oblysynyń ókilderi jetti. Meıirlan Ysqaqov 2:12:35 nátıjesimen birinshi oryndy ıelense, Temirlan Temirov 2:13:22 ýaqytymen ekinshi oryndy ıelendi. 23 jasqa deıingi sportshylar sanatynda qarsylastarynan absolıýtti basymdyqpen 2:07:06 nátıje kórsetken Daryn Qonysbaev (Nur-Sultan) altyndy jeńip aldy.
Aıta ketsek, Daryn qashyqtyqtan kúnniń eń jaqsy ýaqytyn kórsetti. Kóshbasshyǵa 5 mınýttan artyq ýaqyt bergen almatylyq Kırıll Rojkov kúmis júldeger atandy. Úshtikti Erasyl Amanjolov (Túrkistan oblysy) saǵat 2:15:13-te tuıyqtady.
Qyzdar arasynda birinshi oryndy almatylyq sportshylar ıelendi: «elıta» - Darıa Bychkova (2:33:23), al U23 sanatynda - Iýlııa Ozerova (2:36: 26).
Jasóspirimder arasynda tuǵyrdy almatylyq sportshylar ıelendi: Aleksandr Ten birinshi orynda (1:01:21), Egor Krýpıakov ekinshi orynda (1:01:58) jáne Danııl Porodnov úshinshi orynda (1:02:15).
Qyzdardyń arasynda júldeli oryndardy ońtústiktiń ókilderi ıelendi: Hafıza Gýltýraeva (1:25:48) birinshi bolyp márege jetti, Arýjan Amanjolova (1:39:36) ekinshi bolyp márege jetti.
