Jol jumystarynyń barysyn Qaraǵandy oblysynyń ákimi Jeńis Qasymbek pen «QazAvtoJol» UK» AQ tóraǵasynyń orynbasary Talǵat Smaǵulov tekserdi.
Búginde uzyndyǵy 363 shaqyrym bolatyn Qaraǵandy – Balqash jolynda jumystar táýlik boıy júrip jatyr. 1 400-ge jýyq adam men 687 arnaıy tehnıka jumyldyryldy.
О́tken jylmen salystyrǵanda sezder sany aıtarlyqtaı qysqardy. Búkil tas jol boıynda aınalma joldar jalpy 25 kılometrdi quraıdy. Alaıda merdigerdiń ýáde etilgen qurylys qarqyny saqtalmaı júr.
«Qurylystyń málimdelgen merziminen artta qalyp júrsiz. Júrgizýshilerdiń de shaǵymdary bar. Men de buny kórip turmyn. Ýaqytsha aınalma joldarda avtokóliktiń qaýipsiz júrýi jáne úzdiksiz qozǵalysy úshin pishindeý jáne shańsyzdandyrý boıynsha jumystardy júzege asyrý qajet. Júrgizýshilerdiń qaýipsizdigi týraly da umytpaǵan jón», dedi Jeńis Qasymbek.
Merdigerler óz kezeginde jaǵdaıdy túzetýge ýáde berip, qurylys materıaldarynyń baǵasy birneshe ese kóterilgenin atap ótti, sondyqtan keıbir qarjylyq qıyndyqtarǵa baılanysty ýchaskelerde artta qalýlar bar.
Shart boıynsha jol qurylysy 2023 jyly aıaqtalýy tıis. Búginde 10 kópirden 5 kópir salynsa, 330 sý ótkizý qubyrynyń 310-y salyndy.
