«Qazaqtyń halyqtyq bı shyǵarmashylyǵynda halyqtyń oılary, sezimderi men dúnıetanymdaryn beıneleıtin baı dástúrler bar. Bizdiń teatrda biz kóp jaǵdaıda saqtalǵan jáne muqııat qorǵalatyn baı ótkenge súıenýge tyrysamyz, biraq sonymen birge ulttyq plastıkany damytýdyń jańa joldaryn izdeımiz. Men ne istesek te, deneniń ózine tán ulttyq kodty saqtaý qasıeti bar ekenin baıqadym. Muny sózben aıtyp jetkizý múmkin emes, óıtkeni ol sonshalyqty tabıǵı bolyp, tipti eń qarapaıym qozǵalysqa da biregeı reńk beredi», dep bólisti QR eńbek sińirgen qaıratkeri Aıgúl Tatı.
Biregeı konserttik baǵdarlama qazaq halqynyń ózindik ereksheligin, biregeıligi men kolorıtin beıneleıdi. Mýzykalyq komponent zamanaýı aranjırovkadaǵy ulttyq aspaptardyń dybysymen usynylǵan.
Túrkistandyqtar úshin qoıylym etnografııalyq materıaldar men batyl baletmeısterlik sheshimder úılesim tapqan zamanaýı ulttyq balettiń jarqyn kórinisine aınaldy.
«Túrki áleminiń rýhanı astanasyna gastrolder Qazaqstan Respýblıkasy Táýelsizdiginiń 30 jyldyǵy aıasynda ótýde. Kórermender óz tarıhyna - uly dala murasyna degen erekshe yqylas pen qamqorlyqty sezine alatynyna senimdimiz», dep atap ótti teatrdyń kórkemdik jetekshisi Nurlan Qanetov.
