“О́NIMDERINIŃ” ESEP BERÝI

Osydan týra bir jyl buryn, 2009 jyldyń 28 sáýirinde munaı ónimderin bólshek satý naryǵynda ulttyq operator retinde memleket atynan áreket etetin jańa kompanııa ómirge keldi. Osy jyly “QazMunaıGaz О́nimderi” AQ óziniń kishigirim mereıtoıyn – qurylǵanyna bir jyldyǵyn birqatar áleýmettik jobalarmen atap ótti. Qalalyq baqta tańerteńnen bolǵan qarbalas ótken-ketkenniń nazaryn aýdardy. Tańerteńgilik jaımashýaq kúni kúrek, sýquı­ǵysh­tarmen “qarýlanǵan” birqatar adamdar toby aǵash egýmen qyzý aınalysyp jatty. 28 sáýir kúni, “QazMunaıgaz О́nimderi” aksıo­ner­lik qoǵamynyń  qyzmetkerleri ózderiniń jumys kúnin osylaı bastady. Bir saǵattyń ishinde “QazMunaıGaz О́nimderi” AQ jeke alleıasy paıda boldy. Or­ta­lyq baq endi tipti sulýlana tústi, qaz-qatar tizilgen pıramıdaly terekter, tatar úıeńkileri men taldar jaıqalyp ósip, elorda turǵyndary men qonaqtarynyń kóz jaýyn alatyn boldy. Aǵashtardy salǵannan keıin kompanııa delegasııasy birden №18 “Aıajan” balabaqshasyna bar­dy. Bul mektepaldy meke­me­si­niń basqalarynan ereksheligi, mun­da múmkindikteri shekteýli búldir­shin­der tárbıe­le­nedi. “Biz balalarǵa, ási­rese kómekti shynymen qajet etetinderge, naq­ty istermen kómek kór­set­kimiz keldi. Sizderdiń balabaqshańyz – BSS (DSP) aýyratyn balalar toby tárbıelenetin elordadaǵy jalǵyz balabaqsha bolyp tabylady. Osy sábılerimizdiń baqytty balalyq shaǵy bolyp, saýyǵyp ketýine múmkindigi bolǵanyn qalaımyz. Biz barlyǵymyz da bala tárbıelep otyrǵan ata-anamyz, osy balalary­myz úshin ómir súrip jatyrmyz, olar – bizdiń bolashaǵymyz, olar­dyń deni saý bolyp, baqytty bol­ǵanyn tileımiz”, – dep atap ótti óz sózinde “QazMunaıGaz О́nimderi” AQ bas dırektory Janat Túsipbekov. Týǵan kúnde syılyq alý dástúri qalypty bolsa, jas ujym búldir­shinderge ózderi kishigirim mereke jasap berdi. Balabaqsha esep-shoty­na aýdarylǵan bir kúndik jal­aqy­larynan basqa, kompanııa qajetti medısınalyq jabdyqtar, oıyn­shyq­tar, DVD-oınatqyshymen tele­dıdar satyp aldy. Sábılerge syı­lyqtar óte unady, olar rızashy­lyq­taryn bildire otyryp, kelgen qonaqtarǵa óz ónerlerin kórsetti. Búldirshinder óleńder oqydy, ánder oryndady, qonaqtarmen birge bı bıledi. “Úlken bolǵanda, men dáriger bo­lamyn jáne balalardy emdeı­min”, – dep balabaqsha tárbıelený­shisi Ádilhan Ramazanov qoshtasarda Janat Túsipbekovke sóz berdi. “QazMunaıGaz О́nimderi” AQ  qu­rylǵan kezeńinen bastap mem­le­ketpen qoıylǵan áleýmettik min­det­temelerdi sheshý múmkindigin jáne bızneske baǵdarlanǵan kúshti uıym bolyp qalýdy ońtaıly úılestire bilgenin atap ótkenimiz jón. Kompanııaǵa otandyq aýyl sha­rýashylyǵy óndirýshilerine ýaqtyly qoldaý kórsetý boı­yn­sha mindet júktelgen. “Qaz­Mu­naı­Gaz О́nimderi” AQ egý jáne jınaý naýqany kezeńinde JJM-dy jeńildikti baǵa boıynsha úzilissiz jetkizýdi qamtamasyz etedi. Bir jyldyq jumysynyń ishinde respýblıkanyń túrli ob­lystarynda respýblıkalyq, qa­lalyq jáne aýdandyq mańyzdaǵy joldarda barlyǵy 100-ge tarta janar-jaǵarmaı quıý stansasy paıdalanýǵa berildi. Qazirgi tańda “QazMunaıGaz” saýda úıi” AQ quramynda buryn engizilgen JMQS-yn qosa alǵanda, janar-jaǵar maı quıý stansalarynyń jalpy sany 270-ti quraıdy. “QazMunaıGaz О́nimderi” AQ “Samuryq-Qazyna” ulttyq ál-aýqat qoryna enedi. Kompanııa qor­dyń basqa da qatysý­shy­lary­men qatar, ulttyq ekonomıkanyń turaqtanýyna járdem etedi, munaı ónimderin bólshek satý naryǵynda básekege qabilettilikti jáne ashyq­tyqty damytýǵa belgili bir úles qosady, sondaı-aq Úkimet tapsyrmalaryn oryndaýǵa jaýapkershilikte bolady.