«Biz áleýmettik qaqtyǵystyń tez arada etnosaralyq nemese saıası ushqynǵa aınalyp, adamdardy qarsylas lagerlerge bólgenine birneshe ret kýá boldyq. Osynyń negizinde qoǵamda negatıv pikir týdyratyn tekserilmegen aqparat tarady. О́kinishke qaraı, keı BAQ áleýmettik taqyryptardy ótkir qylyp kórsetý úshin oqıǵany basqa qyrynan jazyp, taratyp jatady», dedi mınıstr.
Sonymen qatar mınıstr keıbir BAQ áleýmettik taqyryptardy ótkir qyla túsý úshin oqıǵany basqa qyrynan jazyp, qoǵamdy jańyldyrady.
«Mysaly, Almatynyń «Altyn Orda» bazaryndaǵy eki jigittiń tóbelesin eske alaıyq. Keıbir áriptesterimizdiń jazýymen, oqıǵa ultaralyq arazdyqqa ulasyp kete jazdady. Sondaı-aq, jýyrda Aqbulaq aýdanynda bolǵan atysty alaıyq. Keı jýrnalıster oqıǵanyń mán-jaıyn zertteýden buryn, oq atqan adamnyń ultyn kórsetýdi jón sanady», dedi Balaeva.
Balaeva aqparatpen birge oqıǵa ornynan foto-vıdeo taratqan kezde de asyrasilteýge jol beretin BAQ-tardy synǵa aldy.
«Aqparattyq salada jábirlenýshi men kúsh qoldanýshynyń jeke deregin birinshi bolyp kim beretini týraly báseke bar sııaqty. Olar, sondaı-aq, oqıǵa ornynan «qandy» foto jáne beıne materıaldardy taratady. Osyǵan súıene otyryp, jýrnalıster, erkin qalamgerler, ıaǵnı ártúrli blogerler kez kelgen rezonans týdyrǵan jaǵdaıdyń odan ári órshýine medıa naryqtyń áseri úlken ekenin túsinýi kerek. Eshqandaı joǵary reıtıng áleýmettik taqyryptardy provokasııaǵa aınaldyrýǵa laıyq emes», dedi mınıstr.
