Bul ıgi isti atalǵan aýyldyń orta mektebin 1990 jyly bitirgen túlekter júzege asyrdy. Olar jınaǵan qarajatqa Qazaqstan Sýretshiler odaǵynyń múshesi, músinshi Beıbit Mustafın qaıratker tulǵanyń músinin joǵary kórkem deńgeıde jasap shyǵarǵan eken.
Aıadaı ǵana aýyldaǵy músinniń ashylý saltanatyna elordadan bir top qurmetti qonaq arnaıy kelip qatysty. Olardyń arasynda Májilis depýtaty Qazybek Isa, Álıhan Bókeıhannyń ómiri men qyzmeti jaıly kóp tomdyq zertteý jınaq shyǵarǵan Sultanhan Aqquly, Alash qozǵalysynyń tarıhyn zerttep júrgen Tursyn Jurtbaı, Jandos Smaǵulov, Qaıyrbek Kemeńger, Saǵymbaı Jumaǵulov syndy ǵalymdar boldy.
Igi is-sharadan keıin uıymdastyrylǵan ǵylymı-praktıkalyq konferensııada ǵalymdar Álıhan Bókeıhannyń qazaq memlekettiligin qalpyna keltirý jolyndaǵy eren eńbegin atap ótip, Alash kóseminiń artynda qalǵan mol murany ıgerip, bolashaqtyń qajetine jaratýdyń joldaryn áńgime qyldy.
Budan keıin mártebeli meımandar Álıhan Bókeıhannyń áke-sheshesi men týystary jerlengen Taldybeıit qorymyna baryp, arýaqtarǵa duǵa baǵyshtady.
Qaraǵandy oblysy,
Aqtoǵaı aýdany
