MYŃ TAǴZYM SAǴAN, MAIDANGER!

Almatyda 28-pan­­­­fılov­shy­lar parkinde Aýyl sha­rýa­shylyǵy mınıstr­liginde qyzmet etken soǵys jáne tyldaǵy eńbek ardagerlerine arnalǵan jıynda Otan úshin ot keshkenderdiń  qaıtpas qaısar­ly­ǵy jóninde keńinen sóz boldy. Saltanatty jıynǵa Aýyl sharýa­shy­lyǵy mınıstri Aqylbek Kú­rishbaev, mınıstrliktiń Orman jáne ańshylyq sharýashylyǵy komıtetiniń tóraǵasy Erlan Nysanbaev qatysyp, ardagerlerdi Uly Jeńistiń 65 jyldyǵymen quttyqtady. Aýyl sharýashylyǵy mınıstr­liginiń Almaty qalasy boıynsha aýmaqtyq ınspek­sııa­synyń bastyǵy Salamat Bektemisovtiń uıymdastyrýmen ótken jıynda ardagerlerge birinshi, ekinshi jáne úshinshi dárejeli tós belgiler men aqshalaı syılyqtar tap­sy­ryl­dy. Mundaı qurmetke ıe bol­ǵan­dar arasynda búginde jas­tary toqsannan asqan, Sta­lın­grad shaıqasyna qatysqan Vasılıı Kosenko, Stanıslav Golovaskıı, Vladımır Býbnov sııaqty soǵys ardagerleri jáne basqalar bar. Mádiken Quspanov, Ilııa Nurov, Baıan Jumashev, sondaı-aq ózge de tyl eńbekkerleri osyndaı syılyqqa ıe boldy. Jalpy sany qyryqtan astam soǵys jáne tyl ardagerlerin quttyqtaý rásiminen keıin, qurmetti qonaqtarǵa arnalyp “Juldyz” meıramha­nasynda merekelik dastarqan jaıyldy. Ataqty ánshiler asqaqtata án salyp, bıshiler myń buralyp bı bıledi. Baqyt BALǴARINA. ALMATY. ULY JEŃISKE ARNALDY Ekonomıkalyq qylmysqa jáne sybaılas jemqorlyqqa qarsy kúres agenttiginiń Qarjy polısııasy akademııasynda Uly Otan soǵysyndaǵy Jeńiske 65 jyl tolýyna arnalǵan “HHI ǵasyrda jastardy patrıottyq tárbıeleýdiń ózekti máseleleri” atty respýblıkalyq ǵylymı-praktıkalyq konferensııa bolyp ótti. Konferensııaǵa atalǵan agent­tik pen akademııa qyzmet­ker­lerimen qatar, Uly Otan soǵysynyń ardagerleri, “Nur Otan” HDP jáne jergilikti atqarý organdarynyń ókilderi, ǵalymdar qatysty. Sharanyń ashylý saltanatynda sóılegen Ekono­mı­kalyq qylmysqa jáne sybaılas jem­qor­lyqqa qarsy kúres agenttigi tóraǵasynyń oryn­basary S.Áshimbaev bul je­ńis atalarymyz ben aǵalary­myz­dyń, apa­la­rymyzdyń bizdiń qazirgi jáne bolashaq ómirimiz úshin Otan qorǵaýdaǵy jan berip, jan alysyp, aıanbaı kúresken erligi. Sol úshin de biz olarǵa bas ıip, qurmet kór­se­temiz. Osy oraıda Ekonomıkalyq qylmysqa jáne sybaılas jemqorlyqqa qarsy kúres agenttigi Qarjy po­lısııasy akademııasyna Uly Otan soǵysynyń batyry, Halyq qa­Harmany Raqymjan Qosh­qar­baev­tyń esimin berý týraly ju­mystardy júrgizip jatyr. Mun­daǵy negizgi maqsat sybaılas jem­­qor­lyqqa qarsy kúres júr­gizetin jastardy oqytyp shyǵa­ratyn akade­mııa­nyń bedelin odan ári asqaqtatyp, Otany úshin, eli úshin, adaldyq pen ádildik úshin kúresetin naǵyz qaısar da qaıt­pas maman­dardy daıarlaý dedi. Konferensııa jumysyna kel­gender, eń aldymen, aka­de­mııanyń Qurmet alleıa­syn­daǵy Uly Otan soǵysynyń ba­tyrlaryna ar­nalǵan es­kert­kishke saltanatty túrde gúl shoqtaryn qoıyp, so­ǵysta qaza tapqan esil erlerdi bir mınót únsizdikpen eske aldy. Onan soń akademııa tyń­daýshylary alańda saltanatty sherýmen júrip ótip, jekpe-jek kúresi men qoıan-qoltyq urys tá­silderiniń nebir túrlerin kór­set­ti. Ardagerler men qonaqtardyń nazaryna Uly Otan soǵysyn­da­ǵy oqıǵalarǵa qatysty jazylǵan tyń kórkem ádebı dúnıeler men tarıhı qujattar jáne sol kezdiń naq ózin boıamasyz beıneleıtin sýretter kórmesi usynyldy. Konferensııa barysynda oǵan qatysýshylar Uly Otan soǵy­sy­nyń qasireti men nátıjelerin eske ala otyryp, búgingi óskeleń jastardy parıottyq tárbıeleý­diń ózekti máselelerin talqyǵa saldy. – Uly Otan soǵysyndaǵy Jeńiske 65 jyl tolý qarsańynda ótip jatqan bul konferensııa bizderge aǵa urpaqtyń kór­set­ken erligin umytpaı, elimizge qyzmet etýde bir kisideı birlik pen tatýlyqta bolýǵa, qoǵamymyzǵa qaýip tóndiretin jem­qor­lar­men kúres jolyn jetik oqyp úırenýge, halyqqa jan aıamaı eńbek ete bilýge je­te­leı­di, – deıdi bizben áńgimelesken aka­de­mııa­nyń ekinshi kýrs tyńdaýshysy Nurdáýlet О́tebaev. Aleksandr TASBOLATOV.