Máselen, QBF pikiri boıynsha Qazaqstandaǵy eń úzdik bapker Qaırat Satjanov boldy. Onyń jastar quramasyndaǵy jumysy barysynda joǵary sporttyq nátıjeler, jaqsy boks tájirıbesin engizý jáne t.b. kórsetildi. Tokıo-2020 Olımpıadasynyń qola júldegeri Qamshybek Qońqabaev úzdik boksshy atandy. Ulttyq quramanyń kapıtany óskeleń urpaqqa úlgi jáne rıngtegi nátıjelerden basqa qoǵamdyq jumystarǵa da qatysady.
Áıelder arasynda úzdik boksshy ataǵyna komanda kóshbasshysy Alýa Balqybekova laıyq dep tanyldy. Ol bıylǵy jyly eń jeńil salmaqta Dýbaı-2021 Azııa chempıonatyn jeńip aldy.
Jastar arasyndaǵy Álem jáne Azııa chempıony Sanjar Tashkenbaı da AIBA sertıfıkatyna ıe boldy. Osyndaı marapat onyń quramadaǵy áriptesi Mılana Aıýpovaǵa da berildi. Bıyl ol qurlyqtyq jastar arasyndaǵy birinshilikte jeńimpaz atandy.
Sondaı-aq Ermek Súıenish Qazaqstannyń úzdik tóreshisi atandy. Bizdiń maman Tokıodaǵy Olımpıada oıyndarynda joǵary deńgeıde jumys istegeni belgili. Marapattaý rásimi onlaın formatta ótti. Ony Qazaqstan boks federasııasynyń atqarýshy dırektory Maratbek Myqtybekov júrgizdi.
Is-sharanyń ózi búkil álemdegi halyqaralyq boks kúnine oraılastyrylǵan.
