Aıdarbek Saparovtyń aıtýynsha, respýblıkada 3,5 mln tonna astyq byltyrdan qalǵan. Onyń 2,8 mln tonnasy – bıdaı.
«Astyqtyń kútiletin jalpy mólsheri jáne byltyrdan qalǵan astyqty eseptegende, elimizdiń ishki qajettiligin tolyq qamtamasyz etýge jetkilikti. Baǵa qymbattaýy múmkin dep aıtylýda, alaıda egin jetkilikti bolǵandyqtan, bul turǵyda problema bolmaıdy», dedi vıse-mınıstr.
Saparov respýblıkadaǵy qoımalardyń syıymdylyǵy 29 mln tonnany quraıtynyn aıtty. Sonyń ishinde elevatorlar – 12,4 mln tonna. Oǵan 2,6 mln tonna astyq túsirilgen. Onyń 2,2 mln tonnasy – bıdaı. Túsken bıdaıdyń 91%-y birinshi, ekinshi, úshinshi surypqa jatady. Al 2023 jyly ol kórsetkish 83%-dy quraıdy dep kútilýde.
