Krasnoıar aýylyndaǵy seriktestik alqaptarynda ekinshi nan esebindegi kartoptyń shyǵymy jaqsy. Sharýashylyq bıyl 300 gektar alqapqa kartop, 30 gektar jerge sábiz otyrǵyzǵan bolatyn. Mol ónim jınaýdy maqsat tutqan ujym tıimdiligi áldeqashan dáleldengen gollandyq tehnologııany paıdalanýda. Kartop alqaptary amerıkalyq «Valeı» fırmasynyń qondyrǵylarymen sýarylady.
– Sýarmaly egistik alqaptarynan mol ónim jınaýǵa ábden bolady, – deıdi seriktestik basshysynyń orynbasary Qaırat Jandaev, – óıtkeni, tabıǵatqa táýeldilik az. Eger eńbegińe saı ónim alǵyń kelse, sýaryp kútip, baptaý kerek. Endigi bir másele tuqymǵa qatysty. Biz gala, pıkasso, vega, soraıa tárizdi tuqymdy Germanııa men Gollandııadan satyp alamyz. О́ndirilgen ónim gollandyq tehnologııa boıynsha salynǵan qoımalarda saqtalady. Kúzde kartop kóp, al, kóktemde suranys óse túsedi. Negizi tutynýshylardyń suranysyn jyl boıy ótep turýymyz kerek.
Mol ónim óńirdegi kartop pen sábizdiń baǵasyn ósirmeýge yqpal etedi. Memleket tarapynan kórsetilip jatqan kómek te az emes. О́simdik sharýashylyǵyn sýbsıdııalaý túrindegi memlekettik qoldaýdyń sharapatyn kórip otyr. Seriktestik basshysy orynbasarynyń aıtýyna qaraǵanda, shetelden jetkizilgen tuqym, mıneraldyq tyńaıtqysh úshin de sýbsıdııa alǵan.
Ázirge kartop pen sábiz egilgen alqaptardyń jartysy jınaldy. Seriktestik agronomy Dáýlet Júsipovtyń aıtýyna qaraǵanda, ár gektardan ortasha eseppen 25 tonnadan kartop jınalýda. О́nimdiligi joǵary 4 sheteldik kombaın toqtaýsyz jumys isteýde. Vladımır Chervıakov, Jomart Kenjebaev, Erkin Bekjanov, Músirep Esmuhanov tárizdi kombaınshylar táýliktik josparlaryn únemi asyra oryndaıdy.
– Tórt kombaın kúnine 20 gektarǵa jýyq kartopty jınap ala alady, – deıdi seriktestik agronomy, – kartop ósirýdiń de qyr-syry kóp qoı. Alqaptarǵa ýaqytynda mıneraldy tyńaıtqyshtardy sińiremiz, aramshóptermen kúresemiz. Pisip-jetilgen kezde sabaǵyn shaýyp alý kerek. Sharýa shash-etekten, áıtse de júzden astam adam jumys isteıtin sharýashylyqtyń eńbekke degen yntasy jaqsy.
Dastarhanǵa qoıylatyn taǵam túrlerin molaıtýǵa umtylǵan ujym qońyr kúzde eńbek qarqynyn údete túsken. Onsyz bolmaıtyn syńaıly. Arqanyń aq jaýynyna iligip qalmaýy úshin atqa qamshyny basyp-aq jatyr.
