Komandalyq jarysty Qazaqstannyń erleri sátti bastady. Quramynda Kırıll Gerasımenko, Alan Qurmanǵalıev, Aıdos Kenjeǵulov, Irısbek Artýkmetov syndy saıypqyrandary bar jerlestermiz Iraktyń oıynshylaryn 3:0 esebimen oısyrata utty. Ile-shala Maldıv araldarynan aılasyn asyrdy – 3:1. Odan keıin Iordanııanyń tas-talqanyn shyǵardy – 3:0.
Elimizdiń áıelder quramasy Bangladesh jáne Shrı-Lankamen sheberlik baıqasty. Bul básekelerde Qazaq eli namysyn Sarvınoz Mırkadırova, Anastasııa Lavrova, Záýresh Aqasheva jáne Ánel Baqyt qorǵady. Eki kezdesýde de jerelsterimizdiń ústemdigi esh kúmán týǵyzǵan joq – 3:0.
Esterińizge sala keteıik, toptyq týrnırde tek birinshi oryn alǵan komadalar ǵana kelesi aınalymǵa ótti. Bul kezeńde bizdi Japonııa, Ońtústik Koreıa, Gonkong, Sıngapýr, Úndistan, Iran jáne Taıpeı sekildi myqty komandalar kútip tur.
