MÁMS júıesi engizilgeli beri elimizde medısınalyq kómektiń keń spektrli múmkindikterin medısınalyq saqtandyrý deńgeıinde alýǵa bolady. Onyń ishinde joǵary tehnologııalyq medısınalyq qyzmetter de bar. Medısınalyq saqtandyrý júıesinde saqtandyrylǵan ár azamat tólengen jarna mólsherine qaramastan MÁMS arqyly medısınalyq qyzmetterdiń barlyq paketi boıynsha, onyń ishinde quny qymbat turatyn joǵary tehnologııalyq medısınalyq qyzmetter de bar, tegin medısınalyq kómek alady.
«№1 kópbeıindi qalalyq aýrýhanada MÁMS aıasynda 10-nan asa joǵary tehnologııalyq medısınalyq qyzmet kórsetiledi. atap aıtqanda: bas jáne moıyn arterııalarynyń endarterıoektomııasy, bas jáne moıyn qan-tamyrlarynyń endovaskýlıarlyq embolızasııasy, jambas-tize býyndaryn revızııa jasaý arqyly almastyrý, teriniń allotransplantasııasy, ekstra jáne ıntrakranıaldy qantamyrlardy shýnttaý, t.b.» dedi Elordadaǵy №1 kópbeıindi qalalyq aýrýhana dırektorynyń medısınalyq qyzmettiń sapasyn baqylaý jáne ınnovasııa jónindegi orynbasary Baqytjan Abdýllaev.
