ShQO TJD baspasóz qyzmetiniń aqparaty boıynsha, habarlama kelip túse salysymen órt sóndirý bólimshesi dereý Predgornoe aýylyna órt ornyna shyqqan. Oqıǵa ornyna kelgen kezde, 2 otbasyna arnalǵan jer úıdiń 2-páterinde shatyrdyń aǵash konstrýksııalary, verandalar, jıhazdar men jeke zattar janyp, kórshi páterdiń shatyrynyń aǵash konstrýksııalaryna taralǵan.
О́rt sóndirýshiler janyp jatqan úıden 3 gaz ballonyn alyp shyqty.
105 sharshy metr alańdaǵy órt sóndirildi.
Úıdiń órtenýiniń sebebi – elektr jabdyqtaryn ornatý jáne paıdalaný kezinde órt qaýipsizdigi talaptaryn saqtamaý. Elektr symdarynyń oqshaýlaýy shatyr bólmesinde ornalasqan taratý qorabyndaǵy mehanıkalyq buralýdyń saldarynan órtendi.
Ekinshi oqıǵa Beloýsovka kentinde boldy. Munda órt sóndirýshiler 100 sharshy metr alańdaǵy órtti sóndirdi, otty abaısyz qoldaný saldarynan sharýashylyq qurylystary blogynyń qabyrǵalary men shatyry janyp, órt turǵyn úıdiń shatyry men qabyrǵalarynyń aǵash konstrýksııalaryna odan ári taraldy.
«Bizdiń azamattarymyzǵa órttiń aldyn alý úshin elektr jelilerin shamadan tys júktemeńiz jáne iske qosylǵan elektr aspaptaryn qaraýsyz qaldyrmańyz, zaqymdalǵan oqshaýlaǵyshy bar elektr symdaryn, qoldan jasalǵan jylytý aspaptaryn paıdalanbańyz dep eskertkimiz keledi. Otpen abaı bolyńyz. О́rt shyqqan jaǵdaıda dereý «101» nemese «112» telefondary boıynsha habar berińiz», dedi Glýbokoe aýdandyq tótenshe jaǵdaılar bólimi bastyǵynyń mindetin atqarýshy Konstantın Borovıkov.
