«Almaty qalasynyń áýejaıynda polısııa jelilik bóliminiń qyzmetkerleri ustalǵandarǵa qatysty QR ÁQBtK-niń 484-babynyń 1-bóligi (Ishki ister organdarynyń qarýdy saqtaýǵa, saqtaýǵa jáne alyp júrýge ruqsaty bar adamdardyń azamattyq, qyzmettik, marapattyq, kolleksııalyq qarýdy, onyń patrondaryn satyp alý, berý, esepke alý, saqtaý, paıdalaný, tasymaldaý, Qazaqstan Respýblıkasynyń aýmaǵyna ákelý, Qazaqstan Respýblıkasynyń aýmaǵynan áketý jáne Qazaqstan Respýblıkasynyń aýmaǵy boıynsha tranzıtteý tártibin buzýy) boıynsha ákimshilik hattamalar toltyryldy. Árqaısysyna 10 AEK (29170 tg) kóleminde ákimshilik aıyppul salyndy», dep habarlady Kóliktegi PD baspasóz qyzmeti.
Sonymen qatar sol kúni Almaty qalasynyń áýejaıynda 1979 jyly týǵan Almaty oblysynyń turǵyny ustaldy, ol Nur-Sultan qalasyna ushyp bara jatqan áýe kemesiniń bortyna elektr shoqparymen kirýge tyrysty. Atalǵan fakti boıynsha QR ÁQBtK-niń 482-babynyń 1-bóligi (jeke jáne zańdy tulǵalardyń qarýdy zańsyz ıelenýi, berýi, ótkizýi, saqtaýy, alyp júrýi, tasymaldaýy) boıynsha ákimshilik hattama toltyryldy. Qazirgi ýaqytta tárkilengen zat boıynsha sot-elektrotehnıkalyq saraptama taǵaıyndaldy.
