Jergilikti bılik lava Atlant muhıtyna tógilýi yqtımal tustan oǵan tosqaýyl qoıýǵa kiristi. Soǵan baılanysty jaqyn mańdaǵy turǵyndardan úıden shyqpaýdy surady. «Lava aǵyny Plaııa Nýevada teńizge jetti», dep habarlady Kanar araldary janartaý ınstıtýty (Involcan).
La Palumbre Vieja janartaýy La-Palma aralynyń ońtústik jotasynda ornalasqan. Bul araldy 85 myń turǵyn mekendeıdi. Výlkan 19 qyrkúıekte atqylap, lava teńizge qaraı baıaý aǵa bastady.
Osyǵan baılanysty, jaǵalaýǵa jaqyn ornalasqan Tazakorte kentiniń birneshe aýdanynyń turǵyndaryna eskertý jarııalandy. О́ıtkeni balqyǵan lava men sý reaksııaǵa túsip, zııandy gazdar shyǵarady.
Mamandardyń aıtýynsha, lavanyń teńiz sýymen aralasýy aýaǵa ýly gazdar bólip, olar bult sekildi qalyptasady. Tipti erigen taý jynystary myltyqtyń daýysy sekildi túrli dybys shyǵarýy múmkin.
«Mundaı kezde ýlanǵan aýany ıiskeý, aýadaǵy qyshqyl gazdar men suıyqtyqtar terini, kózdi jáne tynys alý joldaryn titirkendiredi. Tynys alýdy qıyndatýy múmkin, ásirese, respıratorlyq aýrýlary bar adamdarǵa bul zııan», deıdi Involcan.
