Jezqazǵanda Janat Hadjıev atyndaǵy forým-festıval ótti

Táýelsizdiktiń 30 jyldyq mereı­to­ıyna jáne Qazaq KSR halyq ár­tisi, Sosıalıstik Eńbek Eri Seráli Qojam­qulovtyń 125 jyldyǵyna arnalǵan fes­tıval karantın shekteýlerine baılanysty óziniń formatyn ózgertip, forým túrinde ótti. Soǵan sáıkes qatysýǵa nıet bildirgen óner ujymdarynyń sany da shekteýli boldy.

Jezqazǵan teatry tarıhyndaǵy 50-shi maýsymnyń bastalýyna dóp kelgen forým-festıvaldyń ashylý sal­ta­natynda Qaraǵandy oblystyq máde­nıet, muraǵattar jáne qujattama basqar­ma­synyń basshysy Erkebulan Jumakenov oblys bas­shysynyń quttyqtaý hatyn oqyp berdi.

Al Jezqazǵan qalasynyń ákimi Qaı­rat Ábsattarov festıvaldyń elimizdegi ult­tyq teatrlardyń ónerin nasıhat­­taý, Qazaqstan halqynyń mádenıetara­lyq dıalogin arttyrý, daryndy ártister men rejısserlerge qoldaý kórsetý, qa­zir­gi zamanǵy sahna ónerindegi jańa ba­ǵyt­tardy anyqtaý, óskeleń urpaqty pat­rıo­tızm rýhynda tárbıeleýge atsalysý maq­­satyn kózdegenin erekshe atap ótti.

Forým-festıvaldaǵy aıtýly oqı­ǵanyń biri reseılik rejısser, Máskeý­diń Stanıslavskıı atyndaǵy «Elektra» teatrynyń akteri Azamat Nyǵmanov qoı­ǵan «Jut» spektakliniń premerasy boldy. Saıası qýǵyn-súrgin jáne ashar­shylyq qurbandarynyń rýhyna arnalǵan qoıylym kórermen tarapynan zor yqy­lasqa bólendi.

Rejısserdiń ózi bul taqyrypty ne sebepti tańdaǵanyn bylaısha túsindirdi. «Menińshe, – dedi A.Nyǵmanov. – Bul ta­qy­ryp áli de tolyqqandy ashylmaǵan, ­zerttelmegen. Sonymen qatar bul dert qa­zaq halqynyń júreginen óshe qoıǵan joq. Qoǵamǵa alǵa qaraı jyljý úshin ótkenniń qatesin moıyndap, olardy túzetpeıinshe, bolashaq joq dep sanaımyn».

Budan bólek, ol tiri ekenińdi bildirip, búgingi ýaqyt aldyǵa tosqan saýaldarǵa jaýap berýdiń jáne kórermendermen qazirgi ómirimiz týraly týyndylar prız­masy arqyly sóılesýdiń teatr úshin eń mańyzdy krıterıı ekenin atap ótti. «Teatrǵa myqty shyǵarmashylyq tabys tileımin, – dedi rejısser. – Jáne eń bas­tysy kórermenmen tyǵyz baılanys ekenin aıtqym keledi. Oǵan kókeıkesti máseleler men tereńirek taqyryptardy kóterý arqyly qol jetkizýge bolady».

Sondaı-aq óner baıqaýynda drama­týrg Iran-Ǵaıyptyń Abaı álemin uǵyndy­rýǵa umtyldyratyn, sol zamannyń za­ryn júrekke jetkizetin «Men ishpegen ý ­bar ma?» atty qoıylymy da kórermen qaýym kóńilinen shyqty.

 Forým-festıval aıasynda Serke Qo­jamqulovtyń 125 jyldyǵyna arnal­ǵan «Qazaq sahnasynyń iri tulǵasy» at­ty kórme uıymdastyryldy. Is-shara ba­rysynda esimi ańyzǵa aınalǵan, sahna maıtalmany bolǵan óner qaıratkeriniń jeke qoldanysta bolǵan eksklıýzıvti zattary, talaı jyldyq tarıhy bar sahna kıimderi, búginge estelik bolǵan qundy sýretteri kórermen nazaryna usynyldy.

Sonymen birge baıqaý baǵdarlama­sy sheńberinde tájirıbe almasyp, jańa dúnıe úırenýge degen qulshynyspen kelgen akterlerge «Sahna qozǵalysy» jáne «Sahna saıysy» boıynsha sahnada er­­kin emosııaǵa, sezinýge baýlıtyn sheber­lik sabaqtary ótkizildi. Munda belgili teatr­ jáne kıno ártisteri, rejısserler, óner­tanýshylar men teatr mamandary sarap­shylar men baıandamashylar rólin atqardy. Pavlodar oblystyq Júsipbek Aıma­ýytov atyndaǵy qazaq mýzykalyq drama teatrynyń akteri Ábilasan Nur­jan
sheberlik saǵattarynyń bilimdi art­ty­rýǵa, bilgendi odan ári jetildirýge kóp kó­megin tıgizgenin aıtty.

«Bizge Jalynbek Ahan jáne Farhad Moldaǵalı eki sabaq ótkizdi. Jalynbek sahnada dem alýdy, durys tynystaýdy, kúsh-qýatty yryqqa baǵyndyrýdy úıretse, Farhad aǵa kózben jumys isteý jaıynda, sahnadaǵy seriktesińe sený arqyly iske asatyn dúnıeler týraly dáris berdi. Osy festıvalǵa shaqyrtý alǵanda qatty qýanǵanymyz ras edi. Sebebi bilimdi arttyryp otyrý – ár ak­ter­diń, ár mamannyń qasıetti mindeti. Jal­ǵyz Jezqazǵan qalasynda ǵana emes, eli­mizdiń ózge de qalalarynda osyndaı festıvaldar ótse eken degen tilegimiz bar», deıdi ol.

Al Serke Qojamqulov atyndaǵy qa­zaq mýzykalyq drama teatrynyń akteri Ardaq Jarqynbekov atalǵan forým-festıvaldyń arqasynda pandemııaǵa baılanysty ózge qalalardaǵy áriptesterimen aradaǵy úzilip qalǵan baılanystyń qaıta jandanǵanyna qýanyshty ekenin jetkizdi.

«Áriptesterimizben saǵynysyp kóri­sip, tájirıbe almasyp, bar bilgenimizdi ortaǵa saldyq. Eń aldymen, bizge osyndaı keremet áserlerdi sezinýge múmkindik syılaǵan teatrymyzdyń basshylaryna, shaqyrtýymyzdy aıaqasty etpeı, at terletip jetken qonaqtarymyzǵa, neshe kún boıy dáris berip, akterlik ónerdiń qyr-syryn uǵyndyryp jatqan spıkerlerge úlken alǵys bildiremiz», dep aǵy­nan jaryldy ol.

Al forým-festıvaldy uıymdas­ty­rý­shy­lardyń biri, Seráli Qojamqu­lov atyndaǵy qazaq mýzykalyq drama teatry­nyń dırektory Doshan Sáken óner baı­qaýynda qatysýshylarǵa múm­kindikteriniń qandaı deńgeıge deıin je­tetinin kórsetkisi kelgendikterin atap ótti. «Olardyń Qazaq­stan men Reseıde ǵana emes, álemniń bar­lyq teatrynda suranysqa ıe ekendikteri­ne kózderin jet­kizýdi maqsat ettik. Búgin­de bul fes­tı­valdyń dárejesi respýblıka­lyq deń­geıge jetti dep senimmen aıtýǵa bolady», dep oı qorytty ol.

Atalǵan óner baıqaýyna Qostanaı, Shymkent, Kókshetaý, Qyzylorda, О́ske­men, Qaraǵandy jáne Jezqazǵan teatrlarynan kelip qatysqan jas ártister, basqa da qurmetti qonaqtar forým-festıvaldyń joǵary deńgeıde uıymdastyrylǵanyn biraýyzdan atap ótti.

Jezqazǵan