Pikirtalas alańynda ýákiletti memlekettik organdardyń, ǵylymı-zertteý uıymdarynyń ókilderi jáne mashına jasaý ındýstrııasynyń 50-den astam óndirýshileri jınaldy. Otyrysty Indýstrııa jáne ınfraqurylymdyq damý vıse-mınıstri Berik Kamalıev ashty.
Qatysýshylar otandyq temirjol mashınasyn jasaýdy damytýdyń negizgi baǵyttaryn talqylady. Temirjol ónimderiniń sapasyn arttyrý, sıfrlandyrýdy damytý jáne resýrsúnemdeýshi tehnologııalardy engizý máseleleri qozǵaldy. Temirjol kóligi úshin ınjenerlik kadrlardy daıarlaýǵa nazar aýdaryldy.
Otyrysta salany damytýdyń sheshýshi faktorlarynyń biri ǵylymı-zertteý jáne tájirıbelik-konstrýktorlyq qyzmet (ǴZTKJ) salasynda ǵylym men ónerkásiptiń kooperasııasyn kúsheıtý kerektigi tilge tıek boldy.
«QTJ» UK» AQ bas ınjeneri Batyr Kotyrevtyń aıtýynsha, ǴZTKJ damytý boıynsha sharalar keshenin ázirleý, ǵylymı-zertteý qyzmetin qarjylandyrý kózderin anyqtaý, sondaı-aq ǵylym men bıznestiń ózara is-qımyl tetikterin aıqyndaý úshin «Samuryq-Qazyna» Qorynyń portfeldik kompanııalaryn ǵylymmen, ónerkásippen ushtastyratyn biryńǵaı úılestirý organyn qurý qajet.
«QTJ» UK» AQ-da ǴZTKJ-ny qalyptastyrýǵa jáne qoldaýǵa úlken mańyz beriledi. ǴZTKJ ónimderi ónerkásiptik paıdalanýǵa sátti engizilýde jáne aıtarlyqtaı ekonomıkalyq nátıje ákelýde. Bul proseske kompanııanyń Tehnıkalyq ortalyǵy qyzmetkerleri belsendi qatysyp keledi.
2018-2020 jyldar aralyǵynda «QTJ» UK» AQ-da 194 tájirıbelik-konstrýktorlyq jumystar qaralyp, 70-ke jýyq tehnıkalyq tapsyrmalar berilip, 51 qabyldaý jáne aldyn ala synaqtan jáne 10 biliktilik synaǵynan ótkizildi. Búgingi tańda 63 ónim paıdalanýdy baqylaý satysynda.
Tehnıkalyq ortalyq dırektory Azamat Jangeldiniń aıtýynsha, jaqyn arada ortalyqty qaıta qurý aıaqtalady. Bul temirjol mashına jasaý kásiporyndarymen «bir tereze» qaǵıdaty boıynsha jumys isteýge múmkindik beredi. Budan basqa, bolashaqta tájirıbelik-konstrýktorlyq jumystardy basqarý úshin sıfrly platforma qurý josparlanýda.
Máselelerdi talqylaý qorytyndysy boıynsha forýmǵa qatysýshylar sheshimder qabyldap, birlesken usynymdar ázirledi. Temirjol ónimderin óndiriske qoıý tıimdiligin arttyrý boıynsha jumys jalǵasady. Mashına jasaý kásiporyndaryna otandyq ǵylymı-zertteý uıymdarymen ǴZTKJ júrgizýdi qoldaýǵa basa nazar aýdarý, konstrýktorlyq bıýrolardy damytý jónindegi jumystardy kúsheıtý jáne kásiporyndaǵy bas konstrýktor mártebesin kóterý usynyldy.
Seksııalyq otyrys qorytyndysy boıynsha temirjol mashına jasaý kásiporyndary men otandyq ǵylymı-zertteý ınstıtýttary arasynda ǵylymı-zertteý jumystary boıynsha qanatqaqty jobalardy iske asyrý úshin kelisimderge qol qoıyldy.
