29 qyrkúıek kúni saǵat 18.00 shamasynda Qarqaraly aýdanynda Q.Amanjolov aýylynan 3 shaqyrym jerde daladan denesinde oq jaraqattary bar 50 jastaǵy azamattyń máıiti tabyldy.
«Polısııa qyzmetkerleri qylmysqa qatysy bar degen kúdikpen 35 jastaǵy aýyl turǵynyn anyqtap, ustady. Kúdikti sol kúni ishimdik ishken kúıde mal baqpaqshy bolǵan. Osyǵan baılanysty jábirlenýshi oǵan eskertý jasaǵan. Saldarynan ekeýiniń arasynda sózge kelispeýshilik týyndap, sońynda ustalǵan azamat qarýmen jábirlenýshini atyp tastaǵan», dep habarlady Qaraǵandy oblystyq Polısııa departamentiniń bastyǵy Erlan Faızýllın.
Atalǵan fakti boıynsha Qazaqstan Respýblıkasy Qylmystyq Kodeksiniń 99-baby 1-tarmaǵyna sáıkes qylmystyq is qozǵaldy.
Polısııa qyzmetkerlerimen qylmys qarýy tárkilendi. Kúdikti ýaqytsha ustaý ızolıatoryna qamaldy. Tergeý amaldary júrgizilýde.
