QR Aqparat jáne qoǵamdyq damý vıse-mınıstri Asqar Omarov jas kadrlardy qoldaý úshin kásibı alańdardyń mańyzdylyǵyn atap ótti.
«Adamı kapıtaldy damytýǵa ınvestısııalar - bul ulttyń básekege qabilettiligin arttyrýdyń basty quraldarynyń biri», dedi A.Omarov.
Biliktilikti arttyrýdyń bilim berý baǵdarlamasynyń 10 kúni ishinde koých-sessııalar, oqytýshy saǵattary jáne tájirıbelik sabaqtar ótkiziledi. Olardyń barlyǵy jastarmen jumys isteýde kásibı daǵdylardy jetildirýge baǵyttalǵan.
Is-sharaǵa jastar resýrstyq ortalyqtarynyń qyzmetkerleri, basshy retindegi tájirıbesi bar óńirlik memlekettik qyzmetshiler qatysty. Birinshi kúni Qazaqstandaǵy Halyqaralyq bıznes-trenerler mektebiniń ókili Lıýdmıla Serekbaeva qatysýshylarǵa qazirgi zamanǵy kóshbasshylardyń qalyptasýy men qajetti daǵdylary, sondaı-aq komandany basqarýdyń erekshelikteri týraly egjeı-tegjeıli aıtyp berdi.
«Kásibı damý akademııasy» jobasy «Jastar» ǵylymı-zertteý ortalyǵy, QR Prezıdenti janyndaǵy Memlekettik basqarý akademııasy, «Rýhanı jańǵyrý» Qazaqstandyq qoǵamdyq damý ınstıtýty jáne «Nur Otan» partııasy janyndaǵy Saıası menedjment mektebi arasyndaǵy ózara is-qımyldyń nátıjesi boldy.
Is-shara barlyq sanıtarlyq-epıdemıologııalyq sharalardy, sonyń ishinde «Ashyq» baǵdarlamasyn qoldaný jaǵdaıynda ótti.
