«Biz bir jyldyń ishinde elektr energııasyn tutyný men ony óndirý 7%-ǵa óskenin baıqaımyz. Bul óte úlken ósim. Qazir birqatar sheshimder qabyldaýymyz kerek. Birinshiden, biz júıelik operatorlardyń – bul bizdiń KEGOC Ulttyq kompanııamyz – elektr energııasynyń tapshylyǵy týyndaýy múmkin sátte birinshi kezekte taý-ken DATA - ortalyqtarynyń tutyný kólemin shekteýge nemese azaıtýǵa quqyǵyna ıe bolýǵa tıispiz», dedi Maǵzum Myrzaǵalıev Úkimette ótken brıfıngte.
«Ekinshiden, biz bul máseleni energetıkalyq qýat berýge tehnıkalyq sharttar berý bóliginde rettegimiz keledi. Bul da óte mańyzdy. Úshinshiden, taý-ken naryǵyn damytý qajet. Shyn máninde, bizdiń elimizde ony damytý úshin jaqsy múmkindikter bar. Eger tıisti elektr energııasyna kenshiler tarapynan suranys bolsa, ony JEK esebinen generasııanyń jańa kózderin salý arqyly qanaǵattandyrýǵa bolady», dep atap ótti mınıstr.
