Qazanda ortasha aýa temperatýrasy eldiń kóp bóliginde qalypty bolady dep kútiledi. Mańǵystaý, Atyraý, Qyzylorda, Batys Qazaqstan, Aqtóbe oblystarynyń basym bóliginde, Túrkistan oblysynyń batys jartysynda, Qaraǵandy oblysynyń ońtústik-batysynda, Qostanaı oblysynyń ońtústiginde aýa temperatýrasy normadan 1 gradýsqa joǵary bolady.
«Respýblıkanyń basym bóliginde jaýyn-shashyn mólsheri normaǵa jýyq bolady dep boljanǵan. Jaýyn-shashyn Mańǵystaý, Qyzylorda oblystarynda, Atyraý, Aqtóbe, Túrkistan, Jambyl, Almaty oblystarynyń basym bóliginde, Qostanaı oblysynyń ońtústik jartysynda, Qaraǵandy oblysynyń batysy men ońtústiginde, Shyǵys Qazaqstan oblysynyń ońtústik-batysynda normadan az bolady», dedi «Qazgıdromet» RMK qyzmetkerleri.
Boljamǵa sáıkes, Reseıdiń Eýropalyq aýmaǵy arqyly ótetin Skandınavııa men Barens teńizi aýdandarynan sýyq antısıklon qazannyń basynda respýblıkanyń batys jartysynda aýa raıyn qalyptastyrady.
«Qazaqstannyń soltústiginde, shyǵysynda, ońtústik-shyǵysynda jáne ortalyǵynda, kerisinshe, batys jáne ońtústik sıklondardyń jyrasynan jáne belsendi frontal bólikterdiń ótýine baılanysty jaýyn-shashyn (jańbyr, qar, tuman jáne kóktaıǵaq qubylystary, soltústikte jeldiń kúsheıýi, tómen burqasyn) boljanady, Qazaqstannyń taýly aýdandarynda qatty jaýyn-shashyn bolýy múmkin», dep túsindirdi meteorologııalyq qyzmet ókilderi.
Sınoptıkter málimetinshe, aıdyń birinshi onkúndiginde soltústik-batys antısıklonnyń batys óńirlerge ótýi áserinen aýa temperatýrasy túnde 1-3 gradýsqa deıin, kúndiz +10+15 gradýsqa deıin tómendeıdi.
Eldiń ońtústik jáne ońtústik-shyǵysynda birinshi onkúndiktiń ortasynda túnde 1-3 gradýsqa deıin, kúndiz +5+13 gradýsqa deıin sýytady.
Qazannyń ekinshi jáne úshinshi onkúndikterinde jekelegen kúnderi jylýdyń qysqa merzimdi tolqyny kútiledi, kúndiz aýa +13+18 gradýsqa deıin, respýblıkanyń ońtústik-batysynda, ońtústiginde, ońtústik-shyǵysynda +19+25 gradýsqa deıin jylynady.
Qazaqstannyń soltústik jartysynda aýa temperatýrasy túnde-4-10 gradýsqa deıin, kúndiz -2+3 gradýsqa deıin, ońtústik jartysynda - túnde -5+5 gradýsqa deıin, kúndiz +7+12 gradýsqa deıin tómendeýi boljanǵan.
