Ər jyl saıyn ótkiziletin IAAR forýmy kóptegen memleket qaıratkeriniń, akademııalyq jəne kəsibı qoǵamdastyq ókilderiniń basyn qosyp keledi.
Jetekshi halyqaralyq akkredıtteý agenttigi bolyp tabylatyn Akkredıtteý jəne reıtıngtiń təýelsiz agenttiginiń (IAAR) 10 jyldyǵyna arnalǵan 2021 Halyqaralyq forýmǵa 600-ge jýyq adam qatysyp jatyr.
«Qurmetti áriptester, forýmǵa qatysýshylar. Besinshi forýmnyń ashylý saltanatymen quttyqtaımyn. Ataýly sharanyń qonaqtarynyń tiziminen birneshe memleketterdiń ókilderi qatysyp otyr. Baǵdarlama aýqymy mańyzdy. Bizge qajetti máseleler qarastyrylady degen oıdamyz. Bilim sapasyn qamtamasyz etý mańyzdy ekeni belgili. Bul salaǵa Memleket basshysy erekshe mán berip otyr. Bıylǵy Joldaýda da bilim sapasyn, ásirese, joǵarǵy oqý oryndaryndaǵy bilim sapasyn arttyrý boıynsha erekshe toqtalyp, Úkimetke tıisti tapsyrma bergen», dedi Bilim jáne ǵylym mınıstri Ashat Aımaǵambetov.
Sonymen qatar jıynda Halyqaralyq forýmnyń negizgi maqsattary aıtyldy.
- sıfrlyq transformasııa jaǵdaıynda bilim berý salasyndaǵy ozyq təjirıbe almasý jəne pikirtalas úshin halyqaralyq dıalog alańyn qurý bolyp tabylady;
- joǵary bilim berý sapasyn qamtamasyz etý júıesin əzirleý, təýelsiz akkredıtteý jəne reıtıngtik zertteýler;
- sapa mədenıetiniń damýyna jəne kəsibı qoǵamdastyqtyń qalyptasýyna yqpal etetin halyqaralyq jelilermen jəne sheteldik agenttiktermen, bilim berý uıymdarymen yntymaqtastyqty keńeıtý;
- bilim berý sapasyn, bilim berý baǵdarlamalaryn jəne halyqaralyq standarttarǵa səıkes stýdentterdi daıarlaý traektorııasyn jaqsartý.
