Marafon otandyq aýyl sharýashylyǵy ónimderiniń básekege qabilettiligin arttyrý, halyq qolóneriniń elementterin saqtaý jáne kórsetý, aýyldardy turaqty damytý maqsatynda ótkiziledi.
Shara aıasynda otandyq óndirýshilerdiń aýyl sharýashylyǵy salasyndaǵy jetistigi men óniminiń kórme-jármeńkesin uıymdastyrý, derekti fılm túsirý, aýyl eńbekkerleriniń, eńbek erleriniń, ǵalymdardyń, aýyl jáne aýdandardyń qurmetti azamatynyń qatysýymen aýyl ómiri týraly maqala jarııalaý josparlanǵan.
Joba aıasynda uıymdastyrylatyn sharalar negizinen aýyl sharýashylyǵy taýarlaryn ishki jáne syrtqy naryqtarǵa jyljytýǵa, azamattardy aýyl sharýashylyǵy salasynda qol jetkizilgen jetistiktermen tanystyrýǵa, qazaqstandyq memlekettilikti saqtaýǵa jáne nyǵaıtýǵa, Qazaqstan azamattarynyń birlik jáne patrıotızm sezimderin kúsheıtýge baǵyttalady.
Is-sharalar epıdemıologııalyq jaǵdaıdy eskere otyryp, 2021 jylǵy 1-31 qazan aralyǵynda qalalarda, aýdandar men aýyldarda ótedi.
