BQO sanıtarlyq-epıdemıologııalyq baqylaý departamentiniń basshysy Muhamǵalı Aryspaev málim etkenindeı, vırýs juqtyrýdyń 74 deregi oqý prosesiniń bastalýyna baılanysty emes. Onyń sózine qaraǵanda, 151 bala indetti óz otbasynda buryn aýyrǵan jaqyndarynan juqtyrǵan.
Jyl basynan beri 252 bala stasıonarlarda emdelgen. Qazir stasıonarlarda 6 jasóspirim em qabyldap jatyr. Sondaı-aq qyrkúıek aıynda 84 pedagogtyń dertke shaldyqqany tirkeldi.
«Kúni búgin 27 mektepte 36 synyptyń oqýshylary men muǵalimderin jáne 8 balabaqshada 8 topty úı karantınine kóshirý týraly 32 qaýly shyǵaryldy. Mektepter men basqa da oqý oryndarynda ustazdar, shákirtter, stýdentter men qyzmetkerler arasynda kún saıyn monıtorıng júrgizilýde», dedi Muhamǵalı Aryspaev .
Departament basshysynyń aıtýynsha, qyrkúıek aıynda 2469 adamnan indet tabylsa, sonyń 1969-y – vaksına almaǵandar. Jyl basynan beri 28 251 naýqas tirkeldi. Sońǵy aptada (24-30 qyrkúıek) aldyńǵymen salystyrǵanda, koronavırýs juqtyrý deńgeıi 23,5 paıyzǵa (526-dan 402-ge) tómendedi.
Aryspaev óńir sary aımaqta bolǵanymen, jaǵdaıdyń áli de kúrdeli ekendigin jetkizdi. Vaksınasııalaý qarqyny tómen, osyǵan baılanysty turǵyndardy óz densaýlyǵyna enjar qaramaı, ekpe alýǵa shaqyrdy.
