Bishkek polısııa bólimi Danııar Ibraevqa qatysty qylmystyq istiń jabylmaǵanyn jáne áli de tergeý júrip jatqanyn atap ótti. Ibraev memleketaralyq izdeýde. Is materıaldary kúdiktini ekstradısııalaýmen aınalysatyn Qyrǵyz Respýblıkasynyń Bas prokýratýrasyna berildi. Sebebi ol Bolgarııada ustalǵan. Endigi másele elge aldyrtý.
Esterińizge sala keteıik, buǵan deıin Bishkek polısııasy «Stroımır» seriktestiginiń 1992 jyly týǵan bas dırektory Danııar Samatbekuly Ibraevtyń «2018 jyldyń jeltoqsanynan 2019 jylǵa deıin qurylys armatýrasyn jetkizemiz» dep jeti adamnan aqsha alyp ketkenin habarlaǵan bolatyn. Shyǵynnyń jalpy somasy 507 mıllıon 352 myń 49 som boldy.
2019 jyldyń 24 jeltoqsanynda Danııar Ibraev syrttaı alaıaqtyq jasady degen kúdikke alyndy. Sol kúni Bishkektiń Sverdlov aýdandyq soty syrttaı bultartpaý sharasyn taǵaıyndady. 2019 jyldyń 26 jeltoqsanynda oǵan Interpoldy qosqanda halyqaralyq izdeý jarııalandy. 2020 jyldyń 28 aqpanynda ol Sofııada (Bolgarııa) ustaldy. Izdeýde júrgen adamdy Qyrǵyzstanǵa ekstradısııalaý prosesi bastaldy.
