Bul týraly adam quqyqtary jónindegi ókil Nıno Lomdjarııa habarlady, dep jazdy RIA Novostı.
Onyń sózinshe, eldiń burynǵy basshysy oǵan taǵylǵan aıyppen kelispeıdi jáne ózin saıası tutqyn dep esepteıdi.
«Saakashvılı ony óziniń úıinde tutqyndaǵanyn aıtty. Ol esh qarsylyq kórsetpedi, sáıkesinshe polısııa da kúsh qoldanbady. Tutqyndaý barysynda ol úıinde jalǵyz boldy. Polısııaǵa esikti ózi ashty», dedi ombýdsmen.
Sondaı-aq Nıno Lomdjarııa tutqyndalǵan adam Ýkraına azamaty retinde konsýlmen kezdesýdi talap etkenin, budan bólek Grýzııaǵa qalaı kelgenin aıtyp berýden bas tartqanyn málimdedi.
Bul rette Grýzııa premer-mınıstri Iraklıı Garıbashvılı Imedı telearnasy efırinde Úkimet eks-prezıdenttiń elge oralǵanyn bilip otyrǵanyn. Alaıda ony tutqyndaý boıynsha arnaıy operasııany júzege asyrý úshin kelgenin joqqa shyǵarǵandaryn aıtty.
«Onyń arandatýshylyǵynyń saldary teketireske ulasyp keter edi. Biz arandatýshylyq pen eldegi jappaı tártipsizdikti aldyn aldyq dep senimmen aıta alamyz», dedi Úkimet basshysy.
Qazir Saakashvılı Tbılısı mańyndaǵy Rýstavskaıa abaqtysynda.
Eske salsaq, Saakashvılı Grýzııany 2004-2013 jyldary basqardy. Keıinnen elden qashyp ketti. Ony bankır Sandro Gırgvlıanıdiń ólimine jáne depýtat Valerıı Gelashvılıdi soqqyǵa jyǵýǵa qatysty qylmystyq ister boıynsha syrttaı sottady. Birinshi is boıynsha oǵan úsh jylǵa, al ekinshi is boıynsha alty jylǵa bas bostandyǵynan aıyrý jazasy kesildi.
