Elimizde osyndaı deńgeıde alǵash ret uıymdastyrylǵan jarystyń 1-raketkasy bolyp tirkelgen Iý.Pýtınseva fınalda dúnıejúzilik reıtıngte 89-orynda turǵan belgııalyq Elıson Van Eıtvankpen bas júldeni sarapqa saldy.
Belgııalyq sportshy reıtıngide tómen turǵanymen, elorda týrnıriniń 2-raketkasy bolyp tirkelgen edi. Buǵan deıin 1995 jylǵy Iý.Pýtınseva WTA dodalarynda eki márte (Nıýrnberg, 2019, Býdapesht, 2021) chempıon atansa, odan bir jasqa úlken Eıtvank tórt ret (Kvebek, 2017, Býdapesht, 2018, Tashkent, Býdapesht, 2019) úzdik shyqqan edi.
Qarsylastar ózara tórt ret kezdesip, bárinde de Iýlııanyń mereıi ústem bolǵan edi. Bul joly nebári 25 mınýtqa sozylǵan birinshi partııada Pýtınseva bet qaratpady – 6:1. Áıtse de ekinshi sette Eıtvank breıkpen alǵa shyqty – 2:0. Qazaqstandyq tennısshi tarazy basyn teńestirgenimen, qarsylasy taǵy bir breıkke qol jetkizdi – 4:3. Pýtınseva qaıta teńestirgenimen, Eıtvank kúsh alyp ketti – 6:4. Úshinshi, sheshýshi partııada Pýtınseva jaqsy bastaǵanymen, sol qarqynyn jalǵastyra almady.
Aqyry qarsylasyna 3:6 esebimen ese jiberdi.
