Atalǵan týr shymyldyǵy «Jetisý» (Taldyqorǵan) men «Astana» (Nur-Sultan) kezdesýimen ashyldy. Eki komanda týrnır kestesinde qarama-qarsy jaǵdaıda tur. Elordalyq klýb kósh basynda kele jatsa, taldyqorǵandyq fýtbolshylar sońǵy orynda keledi.
Bıyl bas júldeden basty úmitker retinde sanalyp otyrǵan «Astana» bul kezdesýde de súringen joq. Kezdesý barysynda elordalyq klýbtan Marın Tomasov 21, 39, Fatos Bechıraı 39-mınýttarda soqqan úsh golyna alań ıeleri qatarynan Aıbar Jaqsylyqov 37-mınýtta jalǵyz golmen jaýap qaıyrdy. Osylaısha «Astana» qarsylasynan 3:1 esebimen basym tústi. «Astananyń» chempıondyqtan basty qarsylasy - Qostanaıdyń «Tobyly» da bul joly súringen joq.
Qostanaılyq komanda búgin Shymkenttiń «Ordabasy» klýbymen kezdesýinde aldymen alań ıeleri sapynan 25-mınýtta Ivan Sergeev esep ashsa, odan keıin «Ordabasy» oıynshysy Sultanbek Astanov tarazy basyn teńestirdi. Budan keıin tobyldyq Zoran Toshıch 74, Roman Asranqulov 86-mınýtta esep aıyrmasyn ulǵaıtty. Kezdesýde «Tobyl» qarsylasyn 3:1 esebimen tize búktirdi. Týrnır kestesinde 52 upaımen ekinshi orynda tur. Olardyń kósh basyndaǵy «Astanadan» bir upaıy kem.
Sondaı-aq, búgin 19.00-de «Turan» (Túrkistan) men «Shahter» (Qaraǵandy), 20.00-de «Qaısar» (Qyzylorda) men «Aqtóbe» jasyl alańǵa shyǵady.
