Astanalyq polıseı Almaz Qultanov Qabanbaı batyr dańǵylynda qyzmet babymen júrip, saǵat 12:20 shamasynda «Ramstor» saýda úıi mańyndaǵy Esil ózeniniń kópirinde beıtanys qyzdyń ádetten tys áreketterin baıqap qalady. Kenet qyz syrtqy kıimderin sheship, sýǵa sekirýge árekettenedi. Ol dereý jedel basqarý ortalyǵynyń kezekshisine habarlap, ózi kópirge qaraı betteıdi. Ol kezde áıel de sýǵa sekirip úlgergen edi. Qultanov ta onyń artynan sýǵa sekiredi.
«Tártip saqshysy áıelge deıin júzip baryp, kıiminen ustap, jaǵaǵa qaraı bet aldy. Osy kezde seriktesteri Asylhan Nurmuhambetov qutqarý sheńberin laqytyryp, Nursultan Sarıev te serigine kómektesý úshin sýǵa sekirdi», dep jazady Nur-Sultan qalalyq PD.
