Jyl basynan beri Qaraǵandy oblysynda koronavırýs ınfeksııasyn juqtyrýdyń 98 898 jaǵdaıy tirkelip, 90 110 adam jazylyp shyqqan. Iаǵnı bul kórsetkish 91,1%-dy quraıdy. Búginde oblys «sary» aımaqqa engen. Sońǵy aptada ınfeksııanyń jańa jaǵdaılary 21%-ǵa tómendegen. Degenmen, negizgi shekteý sharalarynyń saqtalatynyn jetkizdi spıker.
– Pandemııa densaýlyq saqtaý júıesin damytý josparlaryna, onyń ishinde qarjylandyrý aǵynyn úılestirýge túzetýler engizdi. Negizgi kúshter men quraldar ártúrli aýyrlyqtaǵy koronavırýs ınfeksııasy bar naýqastardy dıagnostıkalaý men emdeýge arnalǵan ınfraqurylymdy damytýǵa baǵyttaldy. Sonymen qatar óńirde Ashyq jobasy sátti júzege asyp keledi. Jobaǵa 12 myńnan astam kásipker qatysýda. Bul el boıynsha úshinshi kórsetkish, – dep atap ótti E.Alpysov.
Sonymen qatar oblys ákiminiń orynbasary koronavırýs ınfeksııamen kúresý úshin oblysta qysqa merzimde zamanaýı emdeý-dıagnostıkalyq jabdyqtarmen jabdyqtalǵan túrli deńgeıdegi stasıonarlar men emhanalardy biriktiretin klasterlik júıe qurylǵanyn habarlady. Jaǵdaı kúrdelengen kezde oblysta 5 679 tósektik oryn, onyń ishinde 434 reanımasııalyq oryn ashylǵan. Epıdemııalyq jaǵdaıdyń turaqtanýyna baılanysty qazir tósektik oryn qýaty 3 353-ke deıin tómendedi, onyń tórtten bir bóligi ǵana jumys isteıdi. Jan saqtaý bólimshelerinde 44 adam jatyr. 25 kompıýterlik tomografııa kabıneti jumys istep tur. Oblystyq bıýdjet esebinen 40 medısınalyq uıymda keýde qýysy aǵzalary tobynyń bastapqy dıagnostıkasy úshin qajetti zamanaýı sıfrly rentgen-apparattar ornatylǵan. Oblysta jalpy qýattylyǵy táýligine 15 myń testten asatyn 10 PTR-zerthana bar.
Budan bólek, 105 birlik medısınalyq jabdyq satyp alý josparlanǵan. Bıylǵy jyldyń sońyna deıin qosymsha bes kompıýterlik tomograf ornatý kózdelgen: onyń ekeýi qalalarda jáne úsheýi Jańaarqa, Osakarov jáne Qarqaraly aýdandyq aýrýhanalarynda bolady.
Sondaı-aq oblysta koronavırýs ınfeksııasyna qarsy jappaı ımmýndaý jalǵasýda. Spıker óńirde birinshi komponentpen 523 myńnan astam adam, ekinshi komponentpen shamamen 465 myń adam egilgenin aıtty.
– Iri ónerkásiptik kásiporyndardyń jumysshylary arasynda vaksınalaýdyń joǵary deńgeıi iri ınfeksııa oshaqtarynyń paıda bolýyna jol bermedi jáne kásiporyndardyń turaqty jumysyn qamtamasyz etti. О́tken jyly shahtalar, óndiristik alańdar jáne keıbir óndirister jabylǵan kezder boldy. Búgingi tańda jaǵdaı túbegeıli ózgerdi, vaksınalaýdyń joǵary kórsetkishi iri ónerkásiptik kásiporyndarǵa úzdiksiz jumys isteýge múmkindik beredi. Tek «ArselorMıttal Temirtaý» ýchaskelerinde jumysshylardyń 90%-dan astamy egildi, bul kásiporynnyń turaqty jumys isteýin qamtamasyz etti, – dedi E.Alpysov.
Brıfıng barysynda qazirgi ýaqytta oblysta mektepterdegi jaǵdaıdyń birshama shıelenisip ketkeni aıtyldy. Oqý jylynyń basynda alǵashqy on kúnde oqýshylar arasynda aýrýshańdyqtyń ósýi tirkelgen. Degenmen, spıker bilim berý nysandarynda sanıtarlyq-epıdemııalyq talaptardyń saqtalýyna turaqty monıtorıngtik tekserýler júrgiziletinin jetkizdi. «Indet juqtyrýdyń árbir jaǵdaıy boıynsha KVI odan ári taralýyna jol bermeý jónindegi is-sharalar kesheni júzege asyrylady. Qabyldanǵan sharalar sońǵy aptalarda syrqattanýshylyq deńgeıin 2,5 ese tómendetýge múmkindik berdi», dep atap ótti E.Alpysov.
Qaraǵandy oblysy
