Chempıondyq táj úshin tartysta «Astana» men «Tobyldan» qalaı da qalmaýdy maqsat tutqan almatylyqtar bul básekede baryn saldy. 17-mınýtta Joao Paýlo esep ashsa, 30-mınýtta Neboısha Kosovıch mergendik tanytty. Odan keıin de «Qaırattyń» oıynshylary jıi-jıi shabýyldar uıymdastyryp, qonaqtardy ábden sastyrdy. 62-mınýtta Artýr Shýshenachev úshinshi goldyń avtory atandy. Tek básekeniń aıaqtalýyna sanaýly mınýt qalǵanda «Aqjaıyq» esep aıyrmashylyǵyn qysqartty – 3:1. Qazirgi kezde «Qaırat» 44 upaımen úshinshi oryndy ıelenýde.
Kósh basyndaǵy «Astana» Taldyqorǵanda «Jetisýdy» jeńse, elordalyq klýbty ókshelep kele jatqan «Tobyl» Qostanaıda «Ordabasyn» utty. Bul kezdesýlerdiń ekeýinde de 3:1 esebi tirkeldi. Nur-Sultannyń fýtbolshylary 53 upaıdy qorjynǵa salsa, qostanaılyqtardyń olardan bir upaıy kem. О́zge oıyndar mynadaı nátıjemen aıaqtaldy: «Qaısar» – «Aqtóbe» – 0:2, «Turan» – «Shahter» – 0:0, «Taraz» – «Atyraý» – 2:2 jáne «Kaspıı» – Qyzyljar – 1:2.
