«Qazirgi ýaqytta esirtki zattarynyń zańsyz jarnamasy túrli formaǵa beıimdelgen. Olardyń qatarynda graffıttı, sýret, barlyq baspa ónimderi, únparaq, japsyrma bar. Tipti, bılbordtarǵa QR-kod tańbalaý arqyly zańsyz jarnamany taratý faktisi de tirkelip otyr. Mundaı jarnamalardy da anyqtap jatyrmyz. Oqytý semınarlaryn da ótkizemiz. Kommýnaldyq qyzmet ókilderimen kezdesip, munda jarnamalardy qalaı anyqtaý kerektigin, nege nazar aýdarý qajettigin túsindiremiz. Úkimettik emes uıymdardy, korporatıvtik qorlardy, volonterlerdi jumyldyrýdamyz, olar reıdter júrgizedi», dedi Sergeı Ilınyh.
Onyń aıtýynsha, jyl basynan beri elorda aýmaǵynda sıntetıkalyq esirtki ázirleýmen aınalysatyn 3 zerthana jumysy áshkerelengen. Sonymen qatar esirtki ósimdigin ósirýdiń 2 faktisi tirkeldi.
«Iаǵnı, sıntetıkalyq esirtki ázirleýshilermen qatar úı jaǵdaıynda psıhıkalyq belsendi zattary bar ósimdik ósiretin adamdar da bar. Qazir tergeý júrgizilip jatyr», dedi ol.
