«Kúz mezgilinde halyqty kómirmen qamtamasyz etý máselesi qashanda ózekti. Bul áleýmettik mańyzy zor sharýa ulttyq temir jol kompanııasynyń basshylyǵynyń jiti baqylaýynda. Jyl jaıyn QTJ júıesi ortasha eseppen 100 mln tonna kómir tasmaldaıdy. Onyń 75 mln tonnasy el ishine, qalǵany eksportqa shyǵarylady. Eger kómir jóneltýshiler júkti ýaqytynda tıeıtin bolsa, vagondardy úlestirý tepe-teńdigi saqtalyp, kólik tapshylyǵy bolmaıdy», dedi «Qazaqstan temir joly» ulttyq kompanııasynyń BAQ-pen jumys jónindegi departamentiniń dırektory Qaısar Kóbesov.
Spıkerdiń aıtýynsha, bıyl 9 aı ishinde 76 mln tonna kómir tasmaldanǵan. Bul jospardan 1,4 mln tonnaǵa artyq. Sonyń ishinde ishki tutynýshylar úshin 53,5 mln tonna kómir tasymaldandy. Bul kórsetkish jospardan 2 paıyzǵa joǵary.
