5 qazan kúni keshki 19:27-de kezekshi pýltine Mahambet aýdany, Ortaqshyl aýyly, Jaskelenov kóshesindegi úıdiń aýlasyna jınalǵan 22 dana býma shóp janyp jatqany týraly habar kelip tústi.
«Oqıǵa ornyna №11 О́SB-niń órt sóndirýshileri 19 saǵat 45 mınýtta jetti. О́rt 23 saǵat 07 mınýtta tolyǵymen sóndirilgen. Alaıda, 6 qazan kúni 00 saǵat 02 mınýtta Mahambet aýdandyq polısııa bóliminen Ortaqshyl aýylynda kámelet jasyna tolmaǵan úsh balanyń belgisiz jaǵdaıda joǵalǵany týraly habarlama kelgen. Izdestirý jumystaryna TJD 11 qyzmetkeri, 3 birlik tehnıkasy, 2 kınologııalyq esep, polısııa departamenti qyzmetkerleri men aýyl turǵyndary jumyldyrylǵan. Joǵalǵan 2014 jylǵy eki bala men 2012 jylǵy bir balanyń denesi órtengen shóptiń arasynan tabyldy. Olardyń denesi PD qyzmetkerlerine tapsyrylyp, sot-medısınalyq saraptamasy taǵaıyndaldy», delingen TJM habarlamasynda.
Vedomstvo órt qaýipsizdigi sharalaryn qatań saqtaý kerek ekenin, sol sııaqty balalardy qaraýsyz qaldyrmaý qajet ekenin eskertti.
