Oblys aýmaǵynda qos azamattyǵy bar adamdardy anyqtaý boıynsha jumys kúndelikti júrgizilýde. О́zge eldiń azamattyǵyna ótkennen keıin qazaqstandyq azamattyqtan bas tartýy qajet. Ol úshin 30 kúndik merzimde ishki ister organdaryna basqa memlekettiń azamattyǵyn alǵany týraly habarlaý, sondaı-aq QR tólqujaty men jeke kýáligin tapsyrý qajet.
«О́kinishke qaraı, ShQO-nyń keıbir turǵyndary bul sharany elemeıdi, sondyqtan qos azamattyq faktileriniń ósýi baıqalady. Máselen, 1 qazanda tártip saqshylary 2016 jyly Qyrǵyz Respýblıkasynyń azamattyǵyn qabyldaǵan, al Qazaqstan aýmaǵynda turyp, QR azamatynyń jeke basyn kýálandyratyn qujattardy paıdalanǵan qyrǵyzstandyq 28 jastaǵy azamatty «Semeı-О́skemen» áýe reısinen alyp tastady», delingen vedomstvo habarlamasynda.
«Qos azamattyqtyń taǵy bir jaǵdaıyn Glýbokoe aýdanynyń Kóshi-qon qyzmetiniń qyzmetkerleri anyqtady. 4 qazanda zeınetaqy tóleý jónindegi memlekettik ortalyqpen salystyrý kezinde 19 jyl buryn Reseı Federasııasynyń azamattyǵyn alǵan aýdan ortalyǵynyń 66 jastaǵy turǵyny anyqtaldy. Er adam 16 jyl boıy Reseıden zeınetaqy alyp kelgen, 2018 jyly zeınetkerlik jasqa tolǵannan keıin QR aýmaǵynda zeınetaqy resimdegen. Qazirgi ýaqytta zańsyz alynǵan aqsha qarajatyn qaıtarý máselesi qarastyrylýda», delingen ShQO Polısııa departamenti habarlamasynda.
Mundaı zańsyzdyqty jasaǵany úshin oǵan 100 AEK kóleminde aıyppul salynady.
«Qazaqstan azamattyǵy qujattaryn paıdalanǵany úshin QR ÁQBtK-niń 496-baby boıynsha 100 AEK kóleminde aıyppul túrinde ákimshilik jaýapkershilikke tartyldy. Qazir qujattary alynyp, azamattyǵynan aıyrylǵany tirkeldi», dedi ShQO PD kóshi-qon qyzmeti basqarmasynyń bastyǵy Erbol Bekpaev.
Aıta keteıik, jyl basynan beri ShQO aýmaǵynda tártip saqshylary 60-tan astam «qos azamattyǵy» barlardy anyqtady, osyǵan baılanysty kóshi-qon qyzmeti Qazaqstan Respýblıkasynyń Konstıtýsııasyna sáıkes elde qos azamattyqqa jol berilmeıdi jáne kóshi-qon zańnamasyn saqtaýdy suraıdy. Tártip buzǵan jaǵdaıda azamattar ákimshilik Kodekstiń 496-baby boıynsha jaýapkershilikke tartylady.
