DAǴDARYSQA DAIаRLYQ DITTEGENDEI ME?

Premer-Mınıstr Kárim Másimov Úkimet janyndaǵy Ekonomıkalyq konsýltanttar keńesiniń kezekti otyrysyn ótkizdi, dep habarlady Premer-Mınıstrdiń baspasóz qyzmeti. Otyrysta Qoǵamdyq proble­malardy taldaý ortalyǵy ázir­legen “Memlekettik daǵdarysqa qarsy sharalardy taldaý jáne baǵalaý – ekonomıkalyq saıasat úshin áserleri” degen taqy­ryptaǵy baıandama talqylandy. Atalmysh baıandamada jahandyq daǵdarystyń Qazaqstan eko­no­mıkasyna yqpalynyń negizgi faktorlary men deńgeıleri kórinis taýyp, el ekonomıkasyn qoldaýda memleket qabyldaǵan daǵdarysqa qarsy sharalardyń tıimdiligine baǵa berildi. Qoǵamdyq problemalardy taldaý ortalyǵynyń dırektory Merýert Mahmýtova atap kór­setkendeı, álemdik ekonomıka ósýiniń turaqtylyǵy men uzaq­tyǵy belgisizdiktermen sıpat­talady jáne daǵdarystyń qaıta­la­ný qateri áli de saqtalyp otyr. Osyǵan baılanysty sarap­shylar qysqa jáne orta merzimdi ekonomıkalyq saıasatqa túzetýler jasaý jóninen usynystar engizdi. Baıandamany talqylaýǵa eko­nomıka ǵylymdarynyń doktory Arystan Esentúgelov, “Atame­ken” odaǵy tóraǵasynyń birinshi orynbasary Ekaterına Nıkı­tıns­kaıa, “Turan” ýnıversıteti­niń rektory, ekonomıka ǵylym­darynyń doktory Rahman Alsha­nov, “Troıka Dıalog Kazahstan” dırektorlar keńesiniń tóraǵasy Asqar Elemesov, National Busi­ness jýrnalynyń bas redaktory Arman Idrısov, Eńbek jáne halyqty áleýmettik qorǵaý mınıstri Gúlshara Ábdiqalyqova, Qarjy mınıstri Bolat Jámi­shev, Ekonomıkalyq damý jáne saýda mınıstrliginiń jaýapty hatshysy Dına Shajenova, Qu­rylys jáne turǵyn úı-kommýnaldyq sharýashylyq isteri agenttiginiń tóraǵasy Serik Nokın jáne basqalar qatysty.