Koronavırýs pandemııasyna qarsy «El úshin egilemin» azamattyq shtab ókilderi Qazaqstannyń barlyq óńiri men respýblıkalyq mańyzy bar qalalar boıynsha 18 jastan asqan 2 559 respondentten táýelsiz áleýmettik saýaldama aldy.
Bul saýaldamaǵa qatysqandardyń basym bóligi, atap aıtqanda, 65,6%-y koronavırýs ınfeksııasymen aýyrmaǵan. Degenmen 3%-y COVID-19 juqtyryp, aýrýhanaǵa jatqyzylǵan (PTR testileý kezinde vırýs anyqtalǵan), al respondentterdiń 21,4%-ynda vırýs belgileri bolǵan, alaıda olar PTR testin tapsyrmaǵan. Bul keıbir azamattardyń áleýmettik jaýapkershiligi joqtyǵynan habar beredi.
Zańger, Nur-Sultan qalasyndaǵy Zańgerler odaǵy fılıalynyń tóraǵasy, azamattyq shtab múshesi Serik Berkamalov Densaýlyq saqtaý mınıstrligi ókilderin saýaldama nátıjesimen tanystyrý kezinde zertteý suralǵandardyń jalpy ekpe men COVID-19-ǵa qarsy vaksınaǵa degen kózqarasyn baıqaýǵa múmkindik bergenin atap ótti. Mysalǵa, qatysqandardyń 11,9%-y ekpege qarsy bolsa, 24,2%-y qoldaǵan. Suralǵandardyń 69,9%-y jalpy ekpege, al 58,5%-y COVID-19-ǵa qarsy vaksınaǵa qarsylyq tanytyp otyr. Jalpy vaksınalaýǵa respondentterdiń 18,5%-y, al COVID-19-ǵa qarsy ekpege 17,4% beıtarap pikir bildirdi. О́ńirler boıynsha aıtatyn bolsaq, COVID-19-ǵa qarsylyq tanytqandar sany boıynsha Soltústik Qazaqstan (46%), Atyraý oblysy (37,8%) jáne Almaty oblysy (35,2 paıyz) alda. Koronavırýsqa qarsy vaksınaǵa beıtarap pikir bildirgen óńirler Túrkistan oblysy (7,1%), Batys Qazaqstan oblysy (10,8 %) jáne Jambyl oblysy (11,8%). Bul Túrkistan oblysy vaksınalaý boıynsha kósh bastap, koronavırýs ınfeksııasy boıynsha «jasyl aımaqqa» aýysqanyn bildiredi.
Saýaldama nátıjesi boıynsha, Densaýlyq saqtaý mınıstrligi COVID-19-ǵa qarsy vaksınaǵa senimi tómen aımaqtarda aqparattyq jumys júrgizýge daıyn. Júrgizilgen saýaldamadan shyqqan nátıje – COVID-19-ǵa qarsy vaksına qaýipsiz. Tek 2 paıyz respondent vaksınanyń densaýlyqqa uzaq janama áseri baryn atap ótken.
Aıta ketelik, 2021 jyldyń 3 tamyzy kúni Qazaqstandaǵy koronavırýs pandemııasymen kúres boıynsha «El úshin egilemin» azamattyq shtaby quryldy. Azamattyq shtabtyń maqsaty – COVID-19-ǵa qatysty barynsha shynaıy aqparat taratyp, azamattardy vaksına alýǵa úgitteý. Uıymdastyrýshlar elimizdi qalypty, kovıdke deıingi ómirge qaıtarýdy maqsat etip otyr. Al bul ujymdyq ımmýnıtetti qalyptastyryp, halyqtyń 70-80 paıyzyn egý arqyly koronavırýspen aýyrǵandar men kóz jumǵandar sanyn azaıtqan kezde ǵana múmkin bolmaq. Halyqqa shynaıy vaksına týraly aqparat taratýǵa qol ushyn bermek belsendiler arasynda Vıacheslav Lokshın, Jibek Joldasova, Rafaıl Rozenson, Dınara Sátjan, Rahym Oshaqbaev, Ásel Qaraýlova, Saıda Táýkeleva, Maıra Izmaılova sııaqty taǵy basqa belgili medısına mamandary, kásipkerler, azamattyq qoǵam belsendileri, qoǵam qaıratkerleri men sarapshylar bar. Bastamashyl topqa 200-den astam joǵary kásibı mamandar kirdi. Olar óz bilimderin, kásibı tájirıbelerin jáne basqa da resýrstaryn eldi vaksınaǵa qatysty haostan shyǵarý úshin jumsaýǵa daıyn.
