Eske sala ketsek, Shvesııada paıda bolǵan bul ploggıng «júgire qoqys jınaý jarysy» degen maǵynany bildiredi. Qazirgi ýaqytta salamatty ómir salty men ekologııaǵa qamqorlyqty biriktiretin bul uǵym álem boıynsha jańa fıtnes-trend retinde keńinen taralyp keledi.
Al kenshiler astanasyndaǵy ploggıng bastalar aldynda «Ekojastar» mektebiniń ekotrenerleri qoqysty durys jınaý jáne suryptaý boıynsha sheberlik sabaǵyn ótkizdi.
Is-sharany uıymdastyrýshylardyń biri – Qaraǵandy joǵary polıtehnıkalyq kolledji dırektorynyń tárbıe isi jónindegi orynbasary Azamat Ekijanov ploggıngtiń shyn máninde sporttyq senbilik ekenin atap ótti.
– Mundaı format qatysýshylarǵa sportpen shuǵyldanýǵa ǵana emes, sonymen qatar óz qalasyn taza ustaýǵa múmkindik beredi, – dedi ol.
«Tazalyq kúni» aksııasy barysynda eń jyldam jáne eń kóp qoqys jınaǵandar arasynda baıqaý uıymdastyrylyp, jeńimpazdar anyqtaldy. Bul saıysta Qaraǵandy joǵary polıtehnıkalyq kolledji jeńimpaz atansa, 2-shi jáne 3-oryndardy sáıkesinshe Á.Moldaǵulova atyndaǵy oblystyq mamandandyrylǵan mektep-ınternat-kolledj ben Qaraǵandy mashına jasaý kolledji ıelendi. Baıqaý jeńimpazdary men júldegerleri Sportident elektrondy belgi júıesiniń kómegimen anyqtaldy.
«Saryarqa daryny» óńirlik ǵylymı-praktıkalyq ortalyǵy basshysynyń orynbasary Ashat Káketaev osyndaı jarystardy ótkizýge bolatyn oryndar sanyn arttyrý josparda bar ekenin aıtady. Sondaı-aq ol ploggıng pishimindegi senbilikterdiń jastar arasynda tanymal bolyp kele jatqanyn, munyń ózi qala turǵyndarynyń nazaryn ekologııa problemalaryna aýdaratyn taptyrmas qural ekenin jetkizdi.
QARAǴANDY
