Mýltımedıa • 07 Qazan, 2021

Qaı jeli tanymal?

161 ret

kórsetildi

1 mın

oqý úshin

Qazir áleýmettik jeli áleýetti kúshke aınaldy. Oıyn-kúlki de, ashý-yza da, talap-tilek te, esep-qısap ta osy jelilerde toǵysyp jatyr. Áleýmettik jeli – bireý úshin aryz aıtar turaq bolsa, bireý úshin – kásibin dóńgeletýdiń basty quraly.

Abaı AIMAǴAMBET

Statcounter Global Stats deregi boıynsha, Qazaqstandaǵy eń tanymal áleýmettik jeli Twitter eken. Úzdik úshtikke sondaı-aq YouTube pen Facebook kiredi. Biraq álemdegi ahýal ózgesheleý. 2021 jyldyń tamyzyndaǵy málimet boıynsha, halyqaralyq deńgeıde Feısbýktiń úlesi basym – 73,27 paıyz. Odan keıingi oryndarda turǵan Twitter (8,91 paıyz), Pinterest (7,22 paıyz), YouTube (4,72 paıyz) jáne Instagram (3,41 paıyz) jelileriniń Sýkerberg negizin qalaǵan júıeniń shańyna da ilese almaı turǵanyn baıqar edik.

Feısbýktiń Qazaqstandaǵy úlesi 14,85 paıyz mólsherinde ǵana. Twitter – 16,56, YouTube – 16,07 paıyz. Sonymen qatar Instagram men VK-nyń naryqtaǵy úlesi qaraılas – 13,92 jáne 13,7 paıyz. Al mobıldi telefonnan kirip paıdalaný turǵysynan Twitter (17,1 paıyz), Facebook (16,4 paıyz) jáne Instagram-nyń (16,11 paıyz) bási bıik bolsa, ústel kompıýteri jáne noýtbýk arqyly paıdalaný jaǵynan YouTube (39,22 paıyz), VK (16,86 paıyz) jáne Twitter (12,79 paıyz) kósh bastaıdy.