Eńbek jáne halyqty áleýmettik qorǵaý mınıstrligi Ádilet, Sıfrlyq damý, ınnovasııalar jáne aeroǵarysh ónerkásibi mınıstrlikterimen birlesip, ekinshi deńgeıdegi bankterdiń mobıldi qosymshalary arqyly «Bala týǵanda beriletin jáne bala kútimi boıynsha járdemaqylardy taǵaıyndaý» jáne «Bala bir jasqa tolǵanǵa deıin onyń kútimine baılanysty tabysynan aıyrylǵan jaǵdaıda tólenetin áleýmettik tólemderdi taǵaıyndaý» memlekettik qyzmetterin kórsetý jónindegi qanatqaqty jobany iske asyrýdy bastady. Jańa servıs azamattar úshin bıyl 5 qazannan bastap qoljetimdi bolady.
Ekinshi deńgeıdegi bankterdiń mobıldi qosymshalary arqyly memlekettik qyzmetterdi alý yńǵaılylyǵy – bul jeke ESQ-kiltterdi paıdalaný jáne qosymsha aqparatty engizý qajettiliginiń bolmaýy.
Qanatqaqty jobaǵa Kaspıı banki men Halyq banki qatysýda. Járdemaqy nemese áleýmettik tólem taǵaıyndaýdy resimdeý úshin osy bankterdiń biriniń mobıldi qosymshasynda memlekettik qyzmet kórsetý boıynsha bólimdi tabý, tıisti memlekettik qyzmetti tańdaý jáne derbes derekterdi óńdeýge kelisimdi rastaý qajet. О́tinimdi jibergennen jáne ony memlekettik organ tarapynan qaraǵannan keıin kórsetiletin qyzmetti alýshyǵa ony qaraý nátıjesi jáne taǵaıyndalǵan tólem somasy týraly PUSH-habarlama jáne SMS jiberiledi.
«Bul joba kelesi toǵyz aıda júzege asyrylady. Oń dınamıka men suranys bolǵan, sondaı-aq ekinshi deńgeıdegi bankter tehnıkalyq jaǵynan daıyn bolǵan jaǵdaıda joba pılottyq formattan qoldanystaǵy formatqa kóshiriledi dep josparlanýda. О́z kezeginde, memlekettik organdar basqa ekinshi deńgeıdegi banktermen yntymaqtasý jáne EDB mobıldi qosymshalary arqyly kórsetiletin qyzmetterdiń tizbesin keńeıtý úshin ashyq», dep atap ótti Eńbek jáne halyqty áleýmettik qorǵaý mınıstrliginiń Memlekettik qyzmetterdi taldaý jáne damytý departamentiniń dırektory Anar Tóleýbaeva.
Azamattardyń keń aýqymyna qoljetimdi memlekettik organdardyń derekqorlaryn jáne ózge de platformalardy ıntegrasııalaý boıynsha osyndaı jobalardy iske asyrý halyqty elektrondy memlekettik qyzmettermen qamtýdy ulǵaıtýǵa múmkindik beredi, onyń qoljetimdiligin, yńǵaılylyǵyn arttyrady jáne kórsetý ýaqytyn qysqartady.
