Bul týraly Deutsche Welle basylymy málim etti.
DDSU bas dırektory Tedros Adanom Gebreıesýs BUU densaýlyq saqtaý agenttiginiń eki saraptamalyq konsýltatıvtik tobynyń maquldaýyn «tarıhı sát» dep atady. RTS, S jáne «Moskırıks» degen atpen belgili bezgekke qarsy vaksınany alǵash ret 1987 jyly brıtandyq GlaxoSmithKline (GSK) farmasevtıkalyq kompanııasy jasaǵan.
«Bul – Afrıkada afrıkalyq ǵalymdar jasaǵan vaksına jáne biz ony maqtan tutamyz. Bul vaksınany bezgektiń aldyn alý quraly retinde qosymsha paıdalaný jyl saıyn ondaǵan myń jas adamnyń ómirin saqtap qalýy múmkin», dedi DDSU bas dırektory.
2019 jyldan bastap DDSU Gana, Kenııa jáne Malavıdegi 800 myńnan astam balaǵa osy vaksınanyń tıimdiligin zerttedi.
Bezgek – bul bezgek masalarynyń shaǵýy arqyly adamǵa beriletin juqpaly aýrý. Aýrý qyzba, qaltyraý, kókbaýyr men baýyr kóleminiń ulǵaıýymen, sondaı-aq anemııamen birge júredi.
Jyl saıyn ony shamamen 350-500 mıllıon adam juqtyrady. Onyń ishinde 1,3-3 mıllıonǵa jýyq adam kóz jumady. Negizinen bul aýrý Saharanyń ońtústigindegi Afrıka elderinde taralǵan.
