Qasym-Jomart Toqaevqa elimizdegi sanıtarlyq-epıdemıologııalyq ahýal, astyq jınaý naýqany, áleýmettik mańyzy bar azyq-túlik taýarlarynyń baǵasyn turaqtandyrý sharalary, ınvestısııa tartý jumystary jáne áleýmettik-ekonomıkalyq damýdyń basqa da ózekti máseleleri týraly esep berildi. Premer-Mınıstr Prezıdentke epıdemıologııalyq jaǵdaıdyń turaqtalǵany týraly baıandady.
Úkimettiń málimetine sáıkes sońǵy aıda elimiz boıynsha koronavırýs juqtyrý kórsetkishi 1,7 esege azaıǵan. Aýrýdyń órshý deńgeıi – 0,94, juqpaly aýrýlar bólimderiniń 34 paıyzynda, jan saqtaý bólimsheleriniń 32 paıyzynda naýqastar em qabyldap jatyr. Memleket basshysyna halyqqa ekpe salý jumystary josparly túrde jalǵasyp jatqany aıtyldy.
Asqar Mamınniń málimeti boıynsha, qazirgi tańda ekpeniń birinshi komponenti 7,7 mıllıon, ekinshi komponenti 6,7 mıllıon adamǵa salynǵan. Osy jyldyń IV toqsanynda Pfizer vaksınasynyń 4 mıllıon dozasy jetkizilmek. Jalpy jyl sońyna deıin 13,3 mıllıonnan astam azamattyń QazVas, Spýtnık V, Sinopharm, Hayat-Vax, SinoVac jáne Pfizer vaksınalaryn saldyrýǵa múmkindigi bolady. Sonymen qatar Qasym-Jomart Toqaevqa tumaýǵa qarsy vaksına salý jumystary jóninde aıtyldy. Búginge deıin 694 myńnan astam adam ekpe alǵan. Jalpy 2,5 mıllıon adamǵa ekpe egý josparlanyp otyr.
Asqar Mamın Prezıdentke astyq jınaý naýqanynyń barysy, áleýmettik mańyzy bar azyq-túlik taýarlarynyń baǵasyn turaqtandyrý úshin júrgizilip jatqan jumystar, ınflıasııaǵa qarsy qabyldanǵan sharalar keshenin júzege asyrý týraly da baıandady.
Memleket basshysyna ekonomıkanyń perspektıvti salalaryna sapaly ınvestısııa tartý máselesi jóninde málimet berildi. Úkimet shetelden tikeleı tartylatyn ınvestısııa kólemin 30 mıllıard AQSh dollaryna deıin jetkizý jáne 2025 jylǵa qaraı jalpy ishki ónimniń negizgi kapıtalyndaǵy ınvestısııanyń úlesin 30 paıyzǵa deıin arttyrý jumystaryn júrgizýde.
