Áleýmettik kásipkerlik nysandary kóbeıe tústi

Apta basynda Eńbek jáne halyq­ty áleýmettik qorǵaý mınıstri Serik Shápkenov osy saladaǵy birqatar nysandy aralady. Vedomstvo basshy­sy­nyń jumys sapary KUNDE CAFE-sine barýdan bastaldy. Bul men­­taldy damý erekshelikteri bar qa­­zaq­­standyqtarǵa táýelsiz ómir sú­rý­ge úırenýge jáne dos ta­bý­ǵa kó­­­­mek­te­setin biregeı joba. Dám­ha­­naǵa ­jumysqa turý múgedektigi bar adam­darǵa ómir súrý sapasyn jaq­­sar­týyna, bazalyq daǵdy­lar­­dy úırenýine jáne tabys tabýyna kó­mektesip qana qoımaı, den­saý­lyq­ta­ryna da oń áser etti – qo­ǵam­da áleýmettený 30 adamdy emdeýge jat­qyzý sanynyń 5 esege qys­qa­rýy­na septigin tıgizgenin erekshe atap ótý­ge bolady.

Mınıstr barǵan kelesi nysan múgedektigi bar adamdar jumys is­teıtin «Jibek» tigin sehy boldy. Sonymen qatar S.Shápkenov psı­hı­kalyq aýytqýlary bar balalardy (ASB, KPD, PSK, NJGB, alalııa, dısleksııa jáne t.b.) túzetý men damytýǵa, sondaı-aq mektepke barar aldyndaǵy jáne mektepke baratyn jastan kishi balalardy damytýǵa baǵyttalǵan ABAQUS-DARYN jeke túzetý-damytý ortalyǵynyń ju­mysymen tanysty.

ABAQUS-DARYN-da balalarmen psıhologtar, defektologter, logopedter, EDSh treneri, tárbıeshiler, ava-terapevter, ergoterapevter, bastaýysh synyp muǵalimderi jumys isteıdi. Sabaqtar jeke jáne toptarda ótkiziledi, ár balanyń jeke oqý baǵdarlamasy bar. Ortalyq ju­mysynyń negizgi ádisi – AVA-terapııa. Bul – minez-qulyq tehnologııalary men oqytý ádisterine ne­gizdelgen qarqyndy oqytý baǵdar­la­masy. Onyń kómegimen minez-qu­lyqty túzetýge, ózin ózi kútý daǵ­dylaryn úıretýge jáne sóıleý daǵ­dysyn damytýǵa bolady. Sondaı-aq ortalyqta ata-analarǵa balalarymen óz betinshe jumys isteý jáne úı tapsyrmasyn oryndaý úshin AVA-terapııa negizderin tegin úıretedi. ABAQUS-DARYN ortalyǵynda jumys istegen ýaqyt ishinde 500-den astam bala damý jáne oqytý kýrsynan ótti. Barlyǵynyń jaqsy nátıjeleri bar.

Joǵaryda atalǵan­ bız­nes-jo­ba­­lardyń quryl­taı­shy­la­ry­men áń­gi­­­me­lesý barysynda mınıs­tr olar­dyń júr­gizip jatqan ju­mys­ta­rynyń jáne jalpy áleý­mettik kásipkerlikti damytýdyń mańy­zyn atap ótti.

«Múgedektigi bar adamdardy áleý­­mettik qoldaý jáne ómir súrý sapa­syn arttyrý – memlekettik saıa­sat­tyń basty baǵyttarynyń biri. Sonymen birge Eńbek jáne halyqty áleýmettik qor­ǵaý mınıstrliginiń birinshi kezek­tegi mindetteriniń qataryna ja­tady. 2020 jyly áleý­mettik tó­lem­derge, tehnıkalyq qu­­ral­dar­men jáne ońaltý qyzmet­terimen qam­­ta­masyz etýge mem­le­kettik bıýd­jet­­ten 455 mlrd teńge bólindi. Bıyl osy maqsattarǵa 486 mlrd teńge kóz­delgen. Múgedektigi bar adam­dar­dyń ómir súrý sapasyn jaqsartý jónindegi ulttyq jospardy iske asyrý aıasynda ty­nys-tirshiliktiń barlyq ba­ǵy­ty boıynsha sharalar kesheni qabyldanýda. Alýshylarǵa yńǵaıly bolý, ońaltý quraldarymen jáne qyzmetterimen qamtamasyz etýdi jaqsartý úshin 2020 jyly Áleý­met­tik qyzmetter portaly (aleumet.egov.kz) iske qosyldy. Qań­tar aıynan bastap ońaltýdyń tehnıkalyq quraldarynyń barlyq 55 túri por­talǵa kóshirildi. О́tken aptada Par­lament azamattardyń jekelegen sanattaryn, onyń ishinde múgedektigi bar adamdardy áleýmettik qorǵaý deńgeıin arttyrýǵa baǵyttalǵan zań qabyldady. Múmkindikteri shekteýli adamdar úshin medısınalyq-áleý­met­tik saraptamanyń rásimderi men merzimderin ońtaılandyrý maq­satynda múgedektikti syrttaı bel­gi­leýdi engizý boıynsha jumys júr­gizip jatyrmyz. Osy aıdyń ózin­de joba Qazaqstannyń 6 óńirinde pı­lotty túrde iske qosylady. Ony is­ke asyrý keleshekte múgedektigi bar adamdardyń ınstansııalarǵa ba­rýyn jáne kórsetiletin qyzmetti berýshimen tikeleı baılanys jasaýyn boldyrmaýǵa múmkindik beredi. Mú­­gedektigi bar adamdardyń ómir súrý sapasyn arttyrý prosesinde ke­­­­der­gisiz orta qurýmen qatar olar­­­­dyń qoǵamǵa áleýmettenýi óte mańyzdy má­sele bolyp sanalady. Bul baǵytta áleýmettik ká­sip­­­kerliktiń mańyzy zor. Ju­mys­­taryńyz úshin alǵysymdy bil­di­remin, bıznesterińizdiń odan ári tabysty bolýyna jáne damýyna tilektespin. Qazaqstanda osyndaı jobalar jyl saıyn kóbeıe bersin», dedi S.Shápkenov.