Epıdemııalyq jaǵdaıdyń turaqtalýy baıqalady

Qazaqstanda 6 qazanǵa deıin
COVID-19-ǵa oń nátıjemen 896 162 naý­qas jáne teris ná­tıjemen 76 517 jaǵ­daı tirkeldi. Indet­pen aýyratyn naý­qas­tardyń shamamen 92 paıyzy saýy­ǵyp shyqty. Epıdemııalyq jaǵdaı mat­rısasyna sáıkes, tórt óńir táýekeli jo­ǵary, ıaǵnı «qyzyl aımaqta» or­na­las­qan.

«Keıingi aıda Qazaqstanda epıde­mııalyq jaǵdaıdyń turaqtalýy baı­qa­la­dy. Tutas elimiz jáne 8 óńirimiz táýekeli joǵary aımaqtan táýekeli ortasha aımaqqa kóshti. Táýekeli ortasha aımaqtan táýekeli tómen, ıaǵnı «jasyl aımaqqa» 3 óńir – Jambyl, Mańǵystaý jáne Qyzylorda oblystary kóshti», dedi A.Soı.

Qyrkúıektiń basymen salystyrǵanda syrqattanýshylyqtyń kúndelikti deńgeıi 2,4 ese tómendedi. Bir aı ishinde taralý ındeksi 1-den tómen. Infeksııalyq tósektik oryndardyń qamtylýy 39 paıyz­dan 33 paıyzǵa deıin, reanımasııalyq tósektik oryndardyń qamtylýy 40 paıyzdan 31 paıyzǵa deıin tómendedi. Sonymen qatar ótken aıda aýyr jáne óte aýyr naýqastar sany eki ese azaıǵan.

«Oqýshylar arasyndaǵy syrqattaný­shy­lyqtyń kúndelikti monıtorıngine ke­le­tin bolsaq, jalpy 9 185 KVI jaǵdaıy tir­kelgen. Bul oqýshylardyń jalpy sany­nyń 0,26%-yn quraıdy. 102 myńnan asa baılanysta bolǵan adam aıqyndaldy, olardyń 624-inde PTR-testterdiń oń nátı­jesi anyqtaldy. Stýdentter arasynda aýrýdyń 1 282 jaǵdaıy tirkelgen. Joǵary oqý oryndarynyń stýdentteri arasynda syr­qattanýshylyqtyń tómen deńgeıi vak­sınanyń tıimdiligin taǵy da aıqyn kór­setti», dedi vedomstvo basshysy.

Mınıstr halyqty KVI-ǵa qarsy vak­sı­nalaý týraly aıta otyryp, búgingi tań­da jalpy vaksınanyń 14,4 mln dozasy paı­d­alanylǵanyn alǵa tartty. Onyń ishin­de birinshi komponentpen 7 766 146 adam egilgen, bul tıisti halyqtyń 77,9%-yn quraıdy, al ekinshi komponentpen 6 756 266 adam nemese 67,8% qamtylǵan. Koronavırýs ınfeksııasyna qarsy vaksınalaýdy qamtý boıynsha kóshbasshylar – Shyǵys Qazaqstan, Túrkistan oblystary, Almaty jáne Shymkent qalalary.

Sonymen qatar A.Soı Rfizer vaksınasyn elge ákelý boıynsha atqarylyp jatqan jumystar barysyna toqtaldy.

«Rfizer boıynsha aqtyq kelisimshartqa qol qoıdyq. Rfizer kompanııasynda keli­sim­niń birneshe prosesi bar. Aqtyq keli­sim­shart boıynsha shamamen 4 mln doza jetkizý josparlanyp otyr. Meniń oıymsha, jýyqta, tórtinshi toqsanda alýmyz kerek. Tıisinshe tońazytý júıesi tolyqtaı túziledi. Jetkizý kezeńiniń ózinde Qazaq­stan­nyń ár óńirinde tońazytý júıesi bolady. Munyń qajetti 80 gradýstyq rejimge saı bolǵany kerek. Sondyqtan qajet jaǵdaıdyń bári jasalady», degen vedomstvo basshysy.

Onyń aıtýynsha, Rfizer vaksınasyn saqtaýdyń tásili qoldanystaǵy tásilmen uqsas.

«Prınsıpi uqsas, tek saqtaý tempera­týra­synyń rejimi ǵana ózgeshe. Sondyqtan óńirlerdiń bárinde qosymsha qondyrǵylar ornatylady. Vaksına kelgen kezge deıin tońazytý jelisi basqa vaksınalarǵa da jaramdy bolady. Bul keleshekte de vaksınalardy birneshe temperatýra rejiminde kútip ustaýdyń kóp satyly mehanızmin qa­l­yptastyrýǵa jol ashady. Qazir álemde ja­salyp jatqan kez kelgen vaksınany saq­taýdyń múmkindigi paıda bolady», dedi A.Soı.

Sóıtip qazan men qarasha aılarynda eli­mizge Pfizer-diń 4 mln dozasy jetkizil­mek. Bul 2 mln adamdy ekpemen qamtýǵa múm­kindik beredi.

Tumaý jáne JRVI boıynsha epı­demııalyq maýsymnyń bastalýyna baı­lanysty Densaýlyq saqtaý mınıstr­li­gi syr­qattanýshylyqqa, halyqty vak­sı­na­laýǵa monıtorıng júrgizýde. Res­pýb­lı­kada 1 qyrkúıekten bastap JRVI-diń 850 jaǵdaıy tirkeldi, tumaý anyqtalǵan joq. Jalpy, búginde tumaýǵa qarsy 694 710 adam egildi, onyń ishinde 684 051-i – tegin, 9 370-i – jumys berýshiler esebinen jáne 1 289-i – aqyly negizde. Halyqty ekpemen qamtýdyń eń kóp paıyzy Túrkistan (9,8%), Pavlodar (4,3%), Qaraǵandy (3,9%) oblystarynda jáne Shymkent qalasynda (3,4%) baıqalady.