Zańsyz alynǵan zeınetaqy

Qazaqstandyqtar basqa eldiń azamattyǵyn almas buryn Qa­zaqstan Respýblıkasy azamat­ty­ǵynan shyǵýǵa tıis. Ol úshin 30 kún buryn ishki ister organdaryna basqa memlekettiń azamattyǵyn alý týraly habarlap, jeke kýáligin tapsyrýlary qajet. О́kinishke qaraı, keıbir shyǵysqazaqstandyqtar bul erejeni elemeıdi. Qos azamattyq faktileriniń kóbeıýi de osy sebepti.

Máselen, 1 qazanda tártip saqshylary Qazaqstanda turyp jatqan Qyrǵyz Respýblıkasynyń aza­maty eki eldiń kýáligin qa­tar paıdalanyp kelgendigin anyq­ta­ǵan. 28 jastaǵy jigittiń Semeı – О́skemen áýe reısine miner tusta qos azamattyǵy barlyǵy belgili bolǵan.

Eki eldiń azamattyǵyn qatar arqalap júrý zańǵa tompaq kel­genimen, onyń birqatar tıimdi tustary bar kórinedi. Aıtalyq, karantındik shekteýler kezinde memle­kettik shekaralardy keder­gisiz kesip ótýge bolady. Sondaı-aq tótenshe jaǵdaılar oryn ala qalsa, shuǵyl emmıgrasııa jasaýǵa múmkindik beredi. Osyny biletin keı azamattar zańdy belden basady.

Al Reseıde turyp jatyp, Qazaqstannyń qarajatyn qal­ta­ǵa basý zańǵa syımaıdy. Bul jaǵdaıdy Glýbokoe aýda­nyndaǵy Kóshi-qon qyzmetiniń qyz­metkerleri áshkerelegen. 4 qazanda Zeınetaqy tóleý jónindegi memlekettik ortalyqpen salystyrý kezinde 19 jyl buryn Reseı Federasııasynyń azamattyǵyn alǵan aýdan ortalyǵynyń 66 jastaǵy turǵyny anyqtaldy. Er adam 16 jyl boıy reseılik zeınetaqy alyp, 2018 jyly zeınetkerlik jasqa tolǵannan keıin Qazaqstannyń zeınetaqysyn rásimdegen. Qazirgi ýaqytta zańsyz alynǵan aqsha qarajatyn qaıtarý máselesi qarastyrylyp jatyr.

– Qazaqstan azamattarynyń qujattaryn paıdalanǵany úshin sheteldikter qoldanystaǵy zań­na­ma boıynsha 100 AEK kóle­min­degi aıyppul túrinde ákimshilik jaýapkershilikke tartylady. Qazaqstan Respýblıkasy azamaty retinde jeke basyn kýálan­dy­ratyn qujattary alynyp, azamat­tyǵynan aıyrylady, – dedi ShQO PD Kóshi-qon qyzmeti bas­qarmasynyń bastyǵy Erbol Bekpaev.

Bıylǵy jyl basynan beri ShQO aýmaǵynda tártip saq­shy­lary 60-tan astam qos aza­mat­tyǵy barlardy anyqtady. Kóshi-qon qyzmetiniń ókilderi Qazaqstan Respýblıkasynyń Konstıtýsııasyna sáıkes, eli­miz­de qos azamattyqqa jol beril­meı­tindigin, zań talabyn qatań saq­taý kerektigin jurtshylyqqa múmkindiginshe eskertip, aıtyp júrgenderimen, ony qulaqtaryna ilmeıtinder az emestigi anyq.