Jámıla jarady!

Qazaqstan qurama komandasy músheleri arasynan Aısha Ýálıshan (55 kılo), Aıaýlym Qasymova (62 kılo) jáne Elmıra Syzdyqova (76 kılo) «á» degennen súrindi. Aısha úndistandyq Pınkı Pınkıden jeńildi – 1:4. Aıaýlym ýkraınalyq Ilona Prokopovıýkke jol berdi – 1:12. Elmıra Syzdyqovanyń my­syrlyq Samar Amer Ibragım Ham­zaǵa áli jetpedi – 2:3. Odan keıin Asylzat Saǵymbaı (53 kılo) moldovalyq Iýlııa Leordan taza utyldy. Aına Temirtasova (65 kılo) rýmynııalyq Krıstına Týn­de Ingzeden basym túskenimen, shı­rek fınalda japonııalyq Mıra Morıkavanyń osal tusyn taba almady – 2:6. Desek te Asylzat pen Aı­nanyń qarsylastary aqtyq synǵa deıin alqynbaı jetip, bizdiń qyzdar jubanysh beldesýlerinde baq synaý múmkindigin saqtap qaldy. Biraq odan árige olardyń áli jetpedi.

Esesine bizdi Jámıla Baqber­genova qýantty. 72 kılo salmaqta kúresken qyzymyz shırek fınalda fransııalyq Vanessa Vesannan 2:10 esebimen jeńilip jatsa da, jigeri jasyǵan joq. Sheshýshi tusta shırek qımyldaǵan ol tarazy basyn teńestirip qana qoı­maı, qarsylasynyń ýysynan je­ńisti julyp áketti. Jartylaı fı­nal­da Jámıla túrkııalyq Býsa Kavýsoglýdyń tas-talqanyn shy­ǵardy – 13:2. Osylaısha, bas júlde úshin talasý múmkindigine ıe bolǵan qazaq qyzy japonııalyq Ma­sako Fýrýchımen kúsh synasty. Son­daı-aq keshe Nalýfar Raımova (57 kılo) men Dıana Kaıýmova (59 kılo) jubanysh básekelerinde baq synady.

Osy kúnge deıin alty salmaq dárejesi boıynsha jeńis tuǵyryna kóterilgen balýandardyń esim­deri belgili. Ázirge Japonııa qura­ma­sy­nyń qarqyny óte kúshti. Kún­shyǵys eliniń ókilderi úsh sal­maqta top jaryp, odan bólek, bir kúmis pen bir qola medaldy oljalady. Ekinshi orynda – AQSh. Alys­taǵy Amerıkadan kelgen qyz­dardyń bireýi aldyna jan sal­masa, ekeýi fınalda utyldy. Taǵy ekeýi úshinshi satyǵa taban tiredi. Úshinshi oryndy Moldova enshileýde. Olar bir altyn men bir kúmisti ıemdendi. Qorjynynda bir altyn men bir qolasy bar Qyr­ǵyzstan tórtinshi satyǵa turaq­taýda. Besinshi jáne altynshy oryndardy Germanııa men Estonııa enshileýde. Bul eldiń ókilderi fınalda ǵana súrindi.

Joǵaryda atalǵan komandalar arasynda Qyrǵyzstan qurama­synyń tabysyna tańdanbaý ári tamsanbaý múmkin emes. Keshe ǵana osy eldiń erkin kúres sheberleri qos júldeni ıelenip, jalpy esepte úzdik altylyqtyń qatarynan kó­rinse, endi búgin qyzdary tórt­kúl dúnıe jankúıerlerine tań­daı qaqqyzyp otyr. Eger álem chem­pıonatynyń tarıhyna úńil­sek, áıelder kúresinen olar kúni bú­ginge deıin bir altyn men bir qo­laǵa ǵana qol jetkizgen eken. Ekeýi de – Aısulý Tynybaevanyń en­shisinde. Qyrǵyzdyń baǵyna týǵan qyz 2017 jyly Parıjde úshinshi orynǵa taban tirese, 2019 jyly Nur-Sultanda altynnan alqa taqty.

Al Osloda Qyrǵyzstan qura­masy úsh júldeni ıelenip, ozyq bes komandanyń qataryna erkin qo­syldy. Aısulý qatarynan ekinshi márte álem chempıony atansa, Aıperi Medetqyzy qo­laǵa qol sozdy. Al keshe túnde Meerım Jumanazarova aqtyq syn­da aıqasty. Eger ol altyn tu­ǵyrǵa kóterilip jatsa, oǵan biz esh tań­danbaımyz. О́ıtkeni Ju­manazarovanyń óreli ónerin biz óz kózi­mizben kórdik. Jankeshtiligi men tabandylyǵyna súısindik. Jeńiske degen qushtarlyǵyna tánti boldyq. Sondyqtan da qyr­ǵyz qyzynyń boıynda chempıon atanýǵa qajetti qasıettiń barlyǵy da bar dep nyq senimmen aıta alamyz. Bári biz oılaǵandaı bolsa, atalǵan mem­lekettiń áıelder quramasy komandalyq saıys­ta ozyq úshtiktiń qataryna qosyla­tyny aıdan anyq. Tipti japon balýanynan jeńilip qalǵan jaǵ­daıdyń ózinde Meerımge eshkim de ókpe aıta almaıdy. Bıyl Tokıo Olımpıadasynda qola me­daldy moınynda jarqyratqan sport­shy úshin álemdik dodanyń kú­mis medali de az olja emes.