«Janýarlardy tirkeý tártibi júrgiziletin bolady, ony veterınarlyq klınıkalarda nemese janýardyń ıesi de jasaı alady. О́ıtkeni qazir tirkeýge alý zatyn úıde derbes qoldanýǵa bolady. Barlyq derekter veterınarlyq klınıkalar júrgizetin málimetter bazasyna engiziledi. Degenmen tirkelmegen janýardy veterınarlyq klınıkaǵa alyp kelse, kez kelgen jaǵdaıda oǵan qajetti kómek kórsetiledi. Biraq eger úı janýary tirkeýge alynbasa, onda oǵan ákimshilik jaýapkershilik qarastyrylady. Bul qazir qarastyrylyp jatqan zań jobasy qabyldanǵan jaǵdaıda oryn alady», dedi Álııa Shalabekova Ortalyq kommýnıkasııalar qyzmetinde ótken brıfıngte.
Endi úı ıeleri janýarlaryn tirketpese, 10 AEK (29 170 teńge) kóleminde aıyppul tóleýine týra keledi. Eger zań buzýshylyq qaıtalansa, aıyppul kólemi joǵarylaıdy.
«Biz qańǵybas mysyqtar men ıtterdi buryn úı janýarlaryna jatqyzyp keldik. Eger olar anyqtalyp, tirkeýge alynsa, onda, erteń úı janýarlary úıinen qashyp nemese adasyp qalyp jatsa, olardy ońaı taba alamyz, Ekinshi jaǵynan, janýar sanynyń toqtaýsyz ósimine jol bermes úshin de bul shara qajet», dedi ol.
