Jıyndy júrgizgen Halyqaralyq Túrki Akademııasynyń prezıdenti, respýblıkalyq «Egemen Qazaqstan» gazetiniń basqarma tóraǵasy Darhan Qydyráli Taraz shaharynyń tereń tarıhyna toqtaldy.
Taraz ejelden tarıhqa baı qala ekenin aıtty. Sonymen qatar, konferensııa qatysýshylaryna elimizdiń Memlekettik hatshysy Qyrymbek Kósherbaevtyń hatyn oqyp berdi. Al, óz sózinde Jambyl oblysynyń ákimi Berdibek Saparbaev atalǵan jıynnyń mańyzdylyǵyn atap ótti.
Sondaı-aq, elimizdiń Mádenıet jáne sport mınıstrligi Arhıv isi jáne qujattamany basqarý komıtetiniń tóraǵasy Qýat Borash mınıstr Aqtoty Raıymqulovanyń hatyn jetkizip, Taraz tarıhy jóninde óz oıymen bólisti.
Jıyn barysynda Parlament Májilisiniń depýtaty Berik Ábdiǵalıuly, Nazarbaev ýnıversıtetiniń oqytýshysy Shámıloǵly Iýlaı, Japonııa memleketinen onlaın qatysqan «Nara» ulttyq mádenı mura men ulttyq mádenı qundylyqtardy zertteý ınstıtýtynyń zerthanalyq arheologııa seksııasynyń dırektory Sadakatsý Kýnıtake, Qyrǵyz-Manas Negızbek Shabdanalıev, Sh.Ýálıhanov atyndaǵy tarıh jáne etnologııa ınstıtýtynyń jetekshi ǵylymı qyzmetkeri, professor Álimǵazy Dáýlethan, tarıh ǵylymdarynyń doktory Bereket Káribaev jáne ózge de ǵalymdar Taraz taǵylymy, túrki órkenıeti týraly oı-pikirlerin ortaǵa saldy.
Sonymen qatar, konferensııa jumysy «Uly Talas quryltaıy: Altyn Orda», «Atlah shaıqasy jáne jańa órkenıet», «Taraz jáne Túrki álemi», «Máńgilik El ıdeıasy jáne Túrki elderi» atty seksııalarǵa bólinip, jumysyn jalǵastyrdy.
