Ahparov Nurlan Nurkınuly 40 jyldan astam medısına salasynda eńbek etti. 28 jyldan astam ýaqyt Pedıatrııa jáne balalar hırýrgııasy ǵylymı ortalyǵynda jumys istegen. Osy jyldar ishinde ol 10 000-nan astam operasııa jasady, kóptegen balalarǵa ekinshi ómir syılady.
Ahparov Nurlan alǵash ret Qazaqstan Respýblıkasynda 21 operasııa túrin engizdi.
Nurlan Nurkınulynyń 300-ge jýyq ǵylymı eńbekteri bar. Maqalalary halyqaralyq resenzııalanǵan jýrnaldarda jarııalanǵan. Úsh monografııanyń avtory.
Onyń jetekshiligimen bir doktorlyq jáne eki kandıdattyq dıssertasııa qorǵaldy. Ol túrli ǵylymı forýmdarǵa qatysty (Reseı, Germanııa, Túrkııa, AQSh, Italııa, Fransııa).
2007 jyldan bastap AQSh-taǵy Cincinnati Children’s Hospital Medical ortalyǵynyń qurmetti professory, 2007 jyly Eýropalyq jaratylystaný ǵylymdary akademııasynyń múshesi boldy.
2016 jyly ǵylymǵa qosqan úlesi úshin Robert Koh medalimen, 2017 jyly Aleksandr III ordenimen marapattaldy.
