Sondaı-aq Kýrs bastaǵan taǵy toǵyz adam tergeýge alynǵan. Oǵan memleket qarajatyn tabloıdtyq gazetterde óziniń oń ımıdjin qalyptastyrýǵa paıdalandy degen aıyp taǵyldy. Alaıda Kýrs onyń bárin joqqa shyǵardy.
«Buǵan deıin meni qylmystyq áreketter jasady dep aıyptady. Onyń bári 2016 jylǵy oqıǵaǵa qatysty. Biraq onyń bári – jalǵan, men bul máseleni anyqtaı alatynyma senimdimin», dedi Kýrs senbi kúni Venadaǵy kansler keńsesinde ótken baspasóz máslıhatynda.
Degenmen, kansler qyzmetinen ketýge májbúr bolǵanyn jetkizdi. О́ıtkeni parlamenttegi «Jasyldar» partııasy jemqorlyqqa qatysty daýdan keıin Kýrsty qoldamaıtynyn málimdegen. Olar kanslerge senimsizdik bildiremiz dep qorqytqan oppozısııalyq partııalarmen kelissózderdi bastap ketti.
«Jasyldar» partııasynyń jetekshisi jáne vıse-kansler Verner Kogler Kýrstyń otstavkasyn quptady. Sondaı-aq Shallenbergpen jumys isteýge daıyn ekenin bildirip, olardyń «óte konstrýktıvti» qarym-qatynasta ekenin jetkizdi.
